FARAWAY DOWNS
⭐⭐⭐⭐⭐⭐⭐⭐(8/10)
Met Nicole Kidman en Hugh Jackman
Regisseur: Baz Luhrmann
(Disney+)
Lekker is darem superlekker as jou rusbank se voetsteuner kan uitstoot en ʼn sloot in jou rusbank kan sit, letterlik net agteroorsit en toelaat dat ʼn storie oor jou spoel.
Dit is wat gebeur in Faraway Downs, die nuwe Australiese reeks deur Baz Luhrmann, met die pragtige Nicole Kidman en die macho, hardebaard, staalkabel-spiertier Hugh Jackman.
Na die dood van haar man, vertrek die aristokratiese Sarah na Australië om beheer oor haar oorlede man se plaas of ranch oor te neem, maar ʼn skurk wil die plaas bekom. ʼn Beestemmer, Hugh Jackman, staan saam met haar teen die skurk.
Faraway Downs is supersoniese, lekker vermaak, waar ʼn stewige, sterk-gekonstrueerde storie, mooi mense, ʼn oorweldigende Australiese landskap, ʼn duisend beeste, en die plaaslike bevolking en hul gelowe, almal saamstaan om die woeste land te tem.
Jy raak heeltemal verlore in die storie, en sal sommer ál ses episodes in een naweek vraatkyk.
Faraway Downs – jy kry nie beter Kersvermaak as dit nie.
(8/10)
vraatkyk…daar leer ek vandag mooi afrikaans
Dink nie ons het dieselfde gekyk as julle dit n 8/10 gee nie. Rotten Tomatoes sin is nader aan die waarheid.