Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 29 Januarie
Karen het ’n splinternuwe plan, en Uys kom uiteindelik agter die kap van die byl. Louis is hewig ontsteld wanneer hy besef van wie Naomi droom.
Dinsdag 30 Januarie
Louis bevind hom in ’n tweestryd, en Naomi weet nie hoe om met haar lewe voort te gaan nie. Karen vind uit wie vir haar kar betaal het, en Uys sny uiteindelik iemand uit sy lewe.
Woensdag 31 Januarie
Iemand is in polisie-aanhouding, en die media pla vir Steve oor sy broer. Liam hoor wat Karen volgende beplan, Naomi en Steve is geskok oor Brenda se storie, en Tracy haal die wind uit Tertius se seile.
Donderdag 1 Februarie
Karen het ʼn onderhoud vir nog ekstra inkomste, maar Febé is skepties. Delia sien toevallig Tracy se sonarfoto’s en blaker die bevalling se datum voor Conrad uit, en Naomi wil met alle mag weet wie haar skenker was.
Vrydag 2 Februarie
Conrad is onrustig oor Tracy se swangerskap, en die DNS van Naomi se hart word ontleed. Karen verbreek die reëls, en Steve maak ’n skokkende ontdekking.
Suidooster
Weeksdae om 18:00 op kykNET en 18:30 op kykNET&kie
Maandag 29 Januarie
Danni vind uit Siya was nie waar hy gesê het hy was nie, en Siya wroeg oor of hy vir haar die waarheid moet vertel. Zoe en Laylla sit vas oor werksdinge, terwyl Lee-Ann vir haar en Bianca opsaal met baie werk vir die swembadprojek.
Dinsdag 30 Januarie
Bianca en Lee-Ann ervaar teëspoed en Angie help vir Carlo met sy artikel. Siya se leuen haal hom in, terwyl Zoe iets skokkends ontdek.
Woensdag 31 Januarie
Danni sukkel om Siya se nuus te verwerk, terwyl Carlo se koerantberig hom tot raserny dryf. Nazeem is bekommerd oor Zoe se dreigemente en probeer Laylla ontmoedig om langer by JPD te werk.
Donderdag 1 Februarie
Bianca en Lee-Ann stamp koppe oor die fondsinsameling vir die swembad. Siya en Danni probeer vorentoe kyk, terwyl Nazeem angstig is om hom uit die voete te maak.
Vrydag 2 Februarie
Carlo is steeds op ʼn missie om die reis na Frankryk in te palm. Siya en Danni moet saamstaan om die nuus te verwerk, en Zoe wonder of sy vir Laylla die waarheid moet vertel.
Diepe waters
Maandae tot Donderdae om 18:30 op kykNET
Maandag 29 Januarie
Thandi en Valencia is in ʼn intense kompetisie gewikkel. Sanet worstel met nuutgevonde gevoelens en Zelda is beslis besig om iets in die mou te voer.
Dinsdag 30 Januarie
Gys se planne wil maar net nie van die grond afkom nie. Sanet se gevoelens eis sy eerste slagoffer. Spanning loop al hoër tussen Thandi en Valencia.
Woensdag 31 Januarie
Jacques kom agter die kap van die byl. Rossouw bevind hom in ʼn moeilike posisie. Zelda is vasbeslote om Gys se drome te vernietig.
Donderdag 1 Februarie
Zelda se wraak eis sy tol, terwyl Thandi en Valencia mekaar die stryd goed aansê vir die bestuurspos. Sanet se hart begin in ʼn interessante rigting draai.
Arendsvlei
Maandae tot Donderdae om 19:30 op kykNET&kie
Maandag 29 Januarie
Hein is bekommerd oor Birdy se gemoed ná haar aanval. Beatrice probeer die waarheid uit Abigail kry oor die wond op haar kop. Janice en Desmond lê hulle rekenaarprojek aan die skoolraad voor.
Dinsdag 30 Januarie
Karelse is nog besig om vir Bompie en sy soldate dop te hou. Beatrice kan Abigail nêrens vind nie. Desmond het ʼn verrassing vir die mense van Arendsvlei.
Woensdag 31 Januarie
Ayesha en Langes probeer Lionel gerusstel, maar hy kruip al hoe nader aan die afgrond. Beatrice span vir Kyle in om met Abigail te help. Hein en Nicolene word al hoe meer besorg oor hul naastes.
Donderdag 1 Februarie
Beatrice en Abigail kry nuwe hoop. Karelse sak toe op ʼn skollie. Thys is bekommerd oor hoe Desmond die skool infiltreer.