Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 1 April
Die klein bietjie hoop wat Louis gehad het, word weer nek omgedraai. Elise doen haar bes om reg te maak wat sy verbrou het. Delia oorweeg ʼn baie groot stap.
Dinsdag 2 April
Louis neem ʼn drastiese besluit. Gaby en Rian voel, ten spyte van hulself, weer die ou gevoelens opvlam.
Woensdag 3 April
Liam is bekommerd oor die druk op Delia. Uys wonder oor Gaby en Rian. Naomi begin amptelik by haar nuwe werk.
Donderdag 4 April
Gaby dring aan dat sy nie besig is om weer vir Rian te val nie. Naomi is dringend op soek na ʼn skenker vir Hennie, maar die persoonlike aard van die saak eis sy tol op haar.
Vrydag 5 April
Gaby verras Elise met ʼn aanbod. Nicolette is bekommerd oor Naomi, maar Louis besluit om nie in te meng nie. Delia vind iets uit wat haar skok.
Suidooster
Weeksdae om 18:00 op kykNET en 18:30 op kykNET&kie
Maandag 1 April
Ty se gesin is in ʼn toestand, terwyl Ruiterbosch gons oor die bekgeveg in Oos Wes. Rhafiek en Sammy bespreek hartsake.
Dinsdag 2 April
Tim het ʼn manier vir Bridgette om Zoë terug werk toe te lok, en Kaashifa oorweeg ʼn belowende opsie. Nazeem vertel vir Lee-Ann wat Ty se planne is. Hoor ons trouklokke lui in Ruiterbosch?
Woensdag 3 April
Lee-Ann en Wade kry ʼn nuwe leidraad, terwyl Kaashifa gespanne is oor haar nuwe uitdaging. Mymoena speel oop kaarte met Sammy.
Donderdag 4 April
Die Daniels-gesin is voor ʼn kruispad, terwyl Mymoena nuus met haar kinders deel. Bridgette probeer uitreik na Zoë, maar is dit te laat?
Vrydag 5 April
Bridgette maak ʼn groot aankondiging wat gemengde gevoelens by Tim en Zoë ontlok. Siya se kop en hart is in ʼn tweestryd gewikkel, terwyl Lee-Ann se wêreld weer eens op sy kop gedraai word.
Diepe waters
Maandae tot Donderdae om 18:30 op kykNET
Maandag 1 April
Mari se geheime plan teen Sanet bou momentum. Die spanning tussen Charity en Felicity kook oor. Thandi kry goeie nuus.
Dinsdag 2 April
Anja help Thandi deur haar moeilike verlede. Sal Daan se begrafnisdiens vir Charity en Arno nader aanmekaar bring?
Woensdag 3 April
Thandi se geheim kry vlerke. Charity het genoeg gehad van Felicity. Mari se plan is in werking.
Donderdag 4 April
Sanet moet haar onskuld bewys en beland net nog dieper in die moeilikheid. Thandi is ongelukkig oor Anja haar vertroue geskend het.
Arendsvlei
Maandae tot Donderdae om 19:30 op kykNET&kie
Maandag 1 April
Beatrice bied aan om vir Adam privaat lesse te gee. Lennie probeer vir Eva oorreed om vir eers haar planne te laat vaar. Bompie wil dinge verder vat met Rachel, maar sy skop daarteen.
Dinsdag 2 April
Eva ontmoet iemand wat haar kan help met haar saak. Sasha wil baie graag die nuwe onderwyser se aandag trek. Desmond sukkel om ʼn band te vorm met die baba.
Woensdag 3 April
Eva is opgewonde wanneer Daniel haar vertel hy het kontak met nóg ʼn gevangene gemaak. Bompie maak ʼn verklaring wat Rachel verras.
Donderdag 4 April
Desmond en Rachel lê ’n besoek af aan die dominee. Eva beplan om haar stryd aanlyn te neem. Lee-Roy en Sasha is verbaas oor Devon se dade.