Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 25 Maart
Dawid stel ʼn ultimatum aan Delia. Thalia se gekonkel wil ongelukkig nie resultate oplewer nie, en Gaby besluit om ʼn unieke werksaanbod te aanvaar.
Dinsdag 26 Maart
Naomi wag in spanning om te hoor of sy ʼn sekere pos gekry het. Rian en Tertius moet ʼn moeilike besluit oor Mimi’s se toekoms neem, en Liam is bekommerd oor sy pa.
Woensdag 27 Maart
Louis en Naomi beweeg ʼn tree nader aan mekaar. Brandon neem ʼn besluit wat Delia kan bevoordeel, en Gaby en Rian sit vas.
Donderdag 28 Maart
Naomi en Louis se verhouding verbeter. Rian ontferm hom oor Gaby wat lig aan die einde van die tonnel begin sien, en dit lyk asof Elise se plan kan werk.
Vrydag 29 Maart
Gaan Naomi en Louis dit maak? Dawid het ʼn openlike gesprek met Delia. Liam konfronteer Steve, en Steve is bekommerd dat iemand gaan bedank.
Suidooster
Weeksdae om 18:00 op kykNET en 18:30 op kykNET&kie
Maandag 25 Maart
Bridgette is geïrriteerd met Tim wat druk op Zoë plaas, terwyl Rhafiek weer ontsteld is oor Sammy. Lee-Ann maak ʼn voorstel aan Ty, maar dan neem hy ʼn skokkende besluit.
Dinsdag 26 Maart
Ty en Lee-Ann het moeilike besluite om te neem. Tim plaas druk op ʼn familielid om sy plan verder te voer, terwyl beide Rhafiek en Sammy wil vergoed vir hulle gedrag.
Woensdag 27 Maart
Mymoena is bekommerd dat Sammy Islam om die verkeerde rede volg. Tim is vasberade om ʼn familielid verder te gebruik om sy doel te bereik. Ty neem ʼn roekelose besluit.
Donderdag 28 Maart
Tim nader vir Siya met ʼn onmoontlike versoek, terwyl Zoë nie meer weet wat om te glo nie. Sammy deel iets met Mymoena wat haar asem wegslaan, en Ty doen iets skokkends.
Vrydag 29 Maart
Ty maak die meeste van Goeie Vrydag. Siya vertel vir Zoë die waarheid, en Sammy kry Mymoena se antwoord.
Diepe waters
Maandae tot Donderdae om 18:30 op kykNET
Maandag 25 Maart
Sanet is bang dat Mari se ontstellende gedrag ʼn wig tussen haar en Ben sal dryf. Felicity slaag daarin om vir Arno te manipuleer.
Dinsdag 26 Maart
Thandi het haar eerste beradingsessie met Sam. Charity het vrese oor kontak maak met haar pa. Sal die donker binne Mari die lig kan sien?
Woensdag 27 Maart
Charity en Arno kry slegte nuus. Mari skok almal deur ʼn spesiale geleentheid vir Sanet te reël. Thandi maak ʼn deurbraak met Sam.
Donderdag 28 Maart
Karla voel uit haar diepte met Arno se hartseer. Karla weet nie hoe om Arno se hartseer te hanteer nie. Thandi se sakeonderneming floreer, maar Zelda gee haar ʼn ultimatum. Valencia ontdek iets kommerwekkends.
Arendsvlei
Maandae tot Donderdae om 19:30 op kykNET&kie
Maandag 25 Maart
Adam trek uit by die Galant-huis. Lee-Roy het ʼn ernstige gesprek met Janice en Lionel. Eva het goeie nuus vir Lennie. Daar is struweling tussen Lee-Roy en Devon.
Dinsdag 26 Maart
Lennie is angstig oor Eva se paroolverhoor. Die aantrekking tussen Bompie en Rachel word al hoe duideliker. Lee-Roy bly skepties oor Devon se klasgeemetodes.
Woensdag 27 Maart
Eva sien uit na haar vryheid. Lee-Roy is gefrustreerd met Devon se inmengery. Bompie is siek vir Rachel se speletjies.
Donderdag, 28 Maart
Rachel en Bompie se passie vir mekaar raak gevaarlik. Janice en Beatrice verskil oor Adam se kans om Hoërskool Arendsvlei by te woon. Eva neem ’n besluit wat haar in gevaar kan stel.