Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 21 Augustus
Liam maak ʼn ontdekking wat hom dwars in die krop steek. Binneland se bekendste vrygesel neem ʼn groot besluit. Dawid se lojaliteit wankel. Delia is vasberade om eties op te tree, ten spyte van die koste.
Dinsdag 22 Augustus
Dawid wil hê iemand moet weer vredemaker speel, en Danny deel sy vrese met Febé. Delia neem ʼn besluit wat groot konflik ontlok.
Woensdag 23 Augustus
Tertius bied iemand werk aan, en Nicolette vat iemand aan. ʼn Dokter word in die media gepak, en Birdy se skuldgevoel raak gevaarlik. Delia vertel Steve die waarheid.
Donderdag 24 Augustus
Birdy is in ʼn toestand ná Liam se bekentenis. Danny bring die dag deur saam met die span van Ongevalle. Delia besluit tot hier toe en nie verder nie.
Vrydag 25 Augustus
Danny kry die kat aan die stert beet, en Uys is verbaas wanneer iemand hom verdedig. Birdy vertrek Kanada toe, en Delia begin die impak van haar dade voel. ʼn Dokter verdwyn skoonveld.
Suidooster
Weeksdae om 18:00 op kykNET en 18:30 op kykNET&kie
Maandag 21 Augustus
Carlo word geboelie, en Aiden maak ʼn slim plan met sy ekstra Wêreldbekerkaartjie. Susan trek uit die kommune, en Mymoena maak gereed vir haar onderhoud.
Dinsdag 22 Augustus
Justin moet ʼn besluit neem, en Angie waag ʼn groot kans. Daar word hard gesoek na Carlo se boelie, terwyl Mymoena en Bridgette vir ʼn oomblik die strydbyl begrawe.
Woensdag 23 Augustus
Mymoena is nie meer so gretig om aan die kompetisie deel te neem nie. Aiden sien hoe streng Kate met Justin is, terwyl Brendan die skroewe stywer draai.
Donderdag 24 Augustus
ʼn Ernstige insident skep probleme vir die Thuli- en Daniels-huishoudings. Justin wil Angie se rugbykaartjies gebruik om sy kamer in die kommune terug te kry. Bridgette verloor haar dryfkrag vir die kompetisie, maar kry dan onverwags ʼn nuwe idee.
Vrydag 25 Augustus
Lee-Ann en Ty probeer agter die kap van die byl kom, terwyl Bridgette sukkel om ʼn item en rok vir die eindronde van die kompetisie te kies. Wade leer ʼn waardevolle les.
Diepe waters
Maandae tot Donderdae om 18:30 op kykNET
Maandag 21 Augustus
Johan plaas Karla voor ʼn moeilike kruispad. Wim en Rose stamp koppe oor Nina se toekoms. ʼn Misverstand skeur Lettie en Henry verder uitmekaar.
Dinsdag 22 Augustus
Arno deel nuus met Karla wat hul toekomsplanne kan verander. Lettie probeer Henry se hart wen. Nina se bekommernisse groei, en Johan doen iets vir Charity.
Woensdag, 23 Augustus
Rose haal haar woede op Anja uit. Karla pleit by Sanet om haar behoeftes beter te verstaan, terwyl Johan al hoe meer agterdogtig oor Charity raak.
Donderdag 24 Augustus
Die kinders vind uit Sanet het die vorige aand ʼn besoeker gehad, en Jacques is bekommerd oor Pam. Charity vind ʼn leidraad oor haar geheime weldoener.
Arendsvlei
Maandae tot Donderdae om 19:30 op kykNET&kie
Maandag 21 Augustus
Bompie dreig Eva om die waarheid oor Eddie se moord te vertel. Clint probeer uitvind hoekom Beatrice hom eenkant toe stoot. Bianca plaas Thys onder druk om haar stylvolle suster te beïndruk.
Dinsdag 22 Augustus
Eva voel vasgevang deur haar dilemma. Langes en Ayesha maak gereed vir trouklokke, en Beatrice is bekommerd oor haar toekoms met Clint.
Woensdag 23 Augustus
Langes en Ayesha se troudag het aangebreek. Bompie onthul Eva se geheim aan Lennie. Beatrice vertel Thys dat Abigail haar verhouding met Clint in gevaar stel.
Donderdag 24 Augustus
Lennie vind uit dat Tanner moontlik in Laingsburg is en pak ʼn soektog na sy broer aan. Spanning tussen Bianca en Zyla neem toe soos Thys en Zyla al hoe meer met mekaar in gemeen het. Beatrice is bekommerd dat haar verhouding nie Abigail se speletjies gaan oorleef nie.
‘n Week van lekker kykgenot wat voorlê.