Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Binnelanders
Weeksdae om 19:30 op kykNET
Maandag 3 April
Annetjie is oorweldig en Elise troos haar, Dawid konfronteer vir At, en Nicolette vind uit van ’n leuen. Conrad kry die kat aan die stert beet.
Dinsdag 4 April
Elise het ’n idee vir Annetjie, en Zee kry ’n interessante aanbod. Conrad het ’n romantiese afspraak, en Liam is deurmekaar oor Dawid se besluit. Milan beskuldig iemand van moord.
Woensdag 5 April
Dis tyd vir ’n afspaak-speletjie, en Nicolette vind die waarheid uit oor Milan. Naomi moet hoor dat iemand weggaan, en ’n sappige storie word aan die media gelek.
Donderdag 6 April
Elise vra vir Annelize ‘n groot guns, en Tracy moet voorgee dat sy gelukkig is. Liam konfronteer Nicolette, en Dawid verdink haar ook. Tertius probeer om Tracy te troos.
Vrydag 7 April
At plant ’n saadjie oor Dawid, en Annelize voel eensamer. Almal word na ’n afskeidspartytjie toe genooi, en Tracy kry ’n lawwe idee. Liam soek antwoorde, en ’n soen lei tot verwarring.
Suidooster
Weeksdae om 18:00 op kykNET en 18:30 op kykNET&kie
Maandag 3 April
Chris gaan soek groener weivelde terwyl Bridgette aangevat word oor Eric. Brendan is glad nie gretig om in die pastorie te gaan bly nie.
Dinsdag 4 April
Wade word uiteindelik na een van Lillian se sosiale geleenthede genooi. Siya en Danni is senuweeagtig oor Brendan se verblyf by hulle. Bianca en Dirk neem ’n besluit wat groot gevolge inhou.
Woensdag 5 April
Bianca en AB sukkel om met mekaar oor die weg te kom, terwyl Dirk probeer om vrede te maak. Mrs. J sukkel met die gedagte dat Wade weggaan, en Angie kry ontstellende nuus.
Donderdag 6 April
Susan kry ’n onverwagse verrassing, terwyl Angie ’n onmoontlike besluit moet neem. Daar blyk hoop te wees vir Dirk en Bianca, maar gaan dit hou?
Vrydag 7 April
Dirk besluit dat dat tyd is om pad te gee. Mrs J moedig Lillian aan om oopkop te bly. Danni kry ’n groot verrassing wanneer sy by die apteek instap.
Diepe Waters
Maandae tot Donderdae om 18:30 op kykNET
Maandag 3 April
Die groot onthulling van die aand is nie die enigste geheim wat na die oppervlak gebring word nie. In lig van die nuutste geheime, bepeins Jacques sy eie geheim.
Dinsdag 4 April
Die Swarts-familie probeer steeds die stukke optel na die groot onthulling, terwyl Sanet dit duidelik nie maklik gaan maak om die toekoms te trotseer nie.
Woensdag 5 April
Johan se skorsing is verby en hy’s baie opgewonde om by Frederich te begin. Rossouw en Gys raak in ‘n lelike konfrontasie betrokke, terwyl Sanet uithaak.
Donderdag 6 April
Arno word geruk wanneer hy iemand se lewe moet red. Anja moet vir Sanet uit ʼn moeilike situasie help. Die Swarts-familie is ontsteld oor Karla se ongeluk.
Arendsvlei
Maandae tot Donderdae om 19:30 op kykNET&kie
Maandag 3 April
Basil oortuig vir Simone om te kyk of Derrick ’n agtergrond van seksuele wangedrag het. Beatrice pleit by Rachel om ’n vergadering met die raad van WH&I te kry om die pad vorentoe te bepaal.
Dinsdag 4 April
Simone kry bevestiging oor Derrick se verlede en moet moeilike besluite neem. Rachel gaan voort met haar planne teen die Cupidos en Anthony voel skuldig oor sy betrokkenheid.
Woensdag 5 April
Simone probeer bewyse teen Derrick kry, maar sal die owerhede haar glo? Daniel en Saartjie sit vas, terwyl Eva geskeur voel tussen Lennie en Tanner.
Donderdag 6 April
Ivy moet uiteindelik die realiteit besef van alles wat Derrick gedoen het en die gevolge aanvaar. Eva is nie gelukkig oor die feit dat Ruby en Tanner van mekaar hou nie.
Ek wens so Conrad en Tracey kan weer n paartjie wees.
Jy weet dis net ‘n storie, nê?