Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Sandi Schultz as Zelda in ‘Diepe waters’. (Foto: Skermgreep)
Binnelanders
Weeksdae om 19:30 op kykNET
Maandag 31 Oktober
Gaby vervies haarself oor nuus oor Southern Hope, en Anoniem se identiteit word onthul. ʼn Uitnodiging oorweldig vir Tracy, terwyl Naomi weer hard moet praat om Binneland Stereo stiller te kry.
Dinsdag 1 November
Naomi is op soek na die waarheid, en Tracy maak seker Delia verstaan haar mooi. Slegte nuus is net die begin van ’n woordewisseling, en Scrabble het nie die gewenste uitwerking nie.
Woensdag 2 November
’n Soektog lei tot hartseer. ’n E-pos kan ’n lewe verander – of selfs red. Gaby is hartseer oor haar pa, Danny besef dat Zee dalk reg is oor liefde, en Karen gee vir Tracy raad.
Donderdag 3 November
Rian lees angstigheid verkeerd, terwyl Zee en Annetjie elkeen hul eie agenda het. Selma Rossouw is nie gelukkig met ’n besluit nie, en Tracy besef daar is ’n moontlike krisis met Tonik.
Vrydag 4 November
Die waarheid kompliseer die lewe, en Steve vra vir Conrad om met die kinders te praat. Goeie nuus word begroet met ewe slegte nuus, terwyl Steve nie sy ore kan glo nie.
Suidooster
Weeksdae om 18:00 op kykNET en 18:30 op kykNET&kie
Maandag 31 Oktober
Die hele Ruiterbosch probeer sin maak oor wat gebeur het. Justin is keelvol vir Susan se betrokkenheid by Elana, terwyl Lee-Ann in Bridgette se afwesigheid ’n groot besluit neem.
Dinsdag 1 November
Bridgette is terug ná haar vakansie. Justin is ontsteld omdat Susan nog moet voorgee dat sy en Elana getroud is. ’n Speurder is op soek na die waarheid agter die tweede moord in Ruiterbosch.
Woensdag 2 November
Junaid sê die een ding, maar doen presies die teenoorgestelde. Chris maak ’n skokonthulling, terwyl Elana en Nelia aan ou wonde begin krap.
Donderdag 3 November
Danni praat Siya moed in. Justin se frustrasie kook oor en Elana wil haar ma huis toe stuur.
Vrydag 4 November
Zoe het ’n noue ontkoming en die hele gemeenskap is op hete kole. Shahiema vind uit van Junaid se leun en Nelia besef daar was ’n groot misverstand.
Diepe Waters
Maandae tot Donderdae om 18:30 op kykNET
Maandag 31 Oktober
Gys bederf vir Meghan ná die ongeluk met die hoop dat sy hom sal vergewe. Tannie Bybie verras Gys op ’n onaangename manier. Lettie gee vir Tshepo ’n oplossing vir sy geldelike probleme.
Dinsdag 1 November
Bybie doen die onvergeetlike met katastrofiese gevolge. Henry se geliefde hangertjie kry voete. Jacques gee vir Meghan waardevolle raad om haar pa se ondersteuning vir haar onderneming te kry.
Woensdag 2 November
Gys wil vir Bybie uit sy huis hê, Tshepo wil nie Henry se mafiapak na die matriekafskeid dra nie en Nina wonder hoe sy uit ’n krisis gaan kom.
Donderdag 3 November
Nina het nie ’n matriekafskeidrok nie, maar Karla mag dalk ʼn blink idee hê. Bybie help met die voorbereidings vir die partytjie voor die matriekafskeid – en help vir Tshepo.
Arendsvlei
Maandag tot Donderdag om 19:30 op kykNET&kie
Maandag 31 Oktober
Lennie moet vir Sandy vertel wat met Rikus gebeur het. Hein en Yvette probeer om geld bymekaar te maak om Natalie se aandeel van die bakkery te koop.
Dinsdag 1 November
Hein en Yvette kry ’n onaangename verrassing by die bakkery. Rikus skilder vir Lennie ’n verontrustende prentjie van hoe hy sy toekoms sien. Janice sukkel om haar miskraam te verwerk.
Woensdag 2 November
Thabied en Zuleika is onder die indruk dat die surrogaatskap praatjies oor en verby is. Sandy besoek vir Lennie en Yvette sê vir Hein dat sy ʼn besluit geneem het oor die bakkery.
Donderdag 3 November
Hein en Yvette vind ’n manier om finaal van Natalie ontslae te raak. Janice en Ayesha probeer hulle ouers oortuig om hulle besluit te aanvaar. Ezra erken aan Caleb hoe sy oor hom voel.
