Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 12 Februarie
Karen se vriende is die silwer randjie om haar donker wolk, Nicolette kom uiteindelik agter die kap van die byl, en Delia verwag redelikheid van ʼn desperate Louis.
Dinsdag 13 Februarie
Tracy kom voor haar grootste nagmerrie te staan, en Naomi se verjaarsdag veroorsaak verdere spanning tussen haar en Louis. Uys probeer Annetjie oorreed om Karen genadig te wees.
Woensdag 14 Februarie
Naomi kry ʼn aangename verrassing, en dinge begin beter lyk vir Karen. Nicolette begin twyfel of sy die regte ding gedoen het.
Donderdag 15 Februarie
Bonnie hoor iets wat sy nie moet nie, en Conrad is op die oorlogspad. ʼn Poging van Liam om Karen te help, loop skeef. Naomi hoor met ontsteltenis van Louis se nuwe reëling met Delia.
Vrydag 16 Februarie
Conrad is oorgehaal om toesig oor Leah te kry, Delia besef hoe sleg die publisiteit oor die orgaansmokkelsaak is, en Annetjie word opgekommandeer. Louis begin dink hy het Naomi vir altyd verloor.
Suidooster
Weeksdae om 18:00 op kykNET en 18:30 op kykNET&kie
Maandag 12 Februarie
Danni en Siya pas aan met die baba in die huis, maar die toekoms bly onseker. Ty en Lee-Ann voel sleg ná Carlo se prestasie, terwyl daar ʼn groot kinkel in Nazeem se lewe is.
Dinsdag 13 Februarie
Rhafiek kry snuf in die neus oor ʼn ooggetuie. Danni kry bitter swaar om afskeid te neem van Mia, terwyl Carlo groot nuus vir sy familie en vriende het.
Woensdag 14 Februarie
Lee-Ann kry ʼn lawwe idee, terwyl Aiden se donker kant kop uitsteek. Nazeem tuimel verder die afgrond in wanneer sy familie hom versaak.
Donderdag 15 Februarie
Kate is in die wolke na Aiden se onderhandeling met Nazeem. Bridgette het ʼn afspraak met ʼn sjarmante man, terwyl Zoe met vuur speel.
Vrydag 16 Februarie
Zoe gaan uit haar pad uit om vir Nazeem by te staan, terwyl Danni en Siya verskil oor die pad vorentoe vir hulle as ʼn gesin. Bianca is nuuskierig oor Mymoena se nuwe vriend …
Diepe waters
Maandae tot Donderdae om 18:30 op kykNET
Maandag 12 Februarie
Rossouw word gestraf vir sy “fout”. Nina sukkel om ontstellende nuus te verwerk, en Wim deel ʼn teer oomblik met iemand. Thandi vra Valencia vir ʼn wapenstilstand.
Dinsdag 13 Februarie
Rossouw se lewe is in gevaar. Lucy maak Nina teen Rose op. Lettie is bekommerd oor haar verhouding met Valencia. Anja begin baie bekommerd raak oor Rossouw.
Woensdag 14 Februarie
Rose se wêreld word deur Lucy se inmengery op sy kop gedraai. Die kompetisie tussen Valencia en Thandi bereik ʼn hoogtepunt. Gaan Rossouw oorleef?
Donderdag 15 Februarie
Rossouw word gedwing om ʼn aaklige oproep te maak. Wim oorkom ʼn moeilike uitdaging met Sanet se hulp. Lettie en Thandi beraam ʼn plan met Valencia.
Arendsvlei
Maandae tot Donderdae om 19:30 op kykNET&kie
Maandag 12 Februarie
Langes se poging om vir Eva wraak te neem, loop lelik skeef. Abigail en Beatrice vier Clint se verjaarsdag met ʼn intieme seremonie, terwyl Kyle hulle ten volle ondersteun.
Dinsdag 13 Februarie
Janice is onseker hoe om die slegte nuus te hanteer. Beatrice ontvang ʼn onverwagte gas en Kyle voel hopeloos oor die geweld in die gemeenskap.
Woensdag 14 Februarie
Hein probeer vriende wees met Kyle. Lionel beken dat dinge te veel raak vir hom. Saartjie laat weet vir Bianca dat sy huis toe kom.
Donderdag 15 Februarie
Langes kry met sy grootste vyand te doen. Bianca en Thys berei voor vir Saartjie se aankoms. Beatrice wil met Kyle praat oor die nuwe gas wat by haar woon.