Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Binnelanders
Weeksdae om 19:30 op kykNET
Maandag 10 April
Iemand haal die dag se hoofnuus, en dinge is ongemaklik in Tertius se woonstel. Liam is woedend, Conrad het vrae, en Tracy kry skokkende nuus. Gaby kry ’n oproep, en Milan kry bevele.
Dinsdag 11 April
At wil ’n verhouding herstel, en Tracy ontmoet Suzy. Annetjie is kwaad vir Elise, en Liam dink ’n verhouding is verby. Nicolette konfronteer vir Liam, en Uys het planne vir Danny.
Woensdag 12 April
Tracy merk iets op op Suzy se arms, Naomi is bekommerd oor Louis, en Karen word gewaarsku. ’n Openingsaand sorg vir opwinding, Thalia kry ’n geleentheid, en Suzy skrik haar boeglam.
Donderdag 13 April
Terwyl Louis en Naomi probeer om vir Thalia te waarsku, het Louis groter probleme. Letitia is bekommerd oor At, Tracy kry nuus oor Suzy, en Jaco raak agterdogtig. Die openingsaand is ’n ramp.
Vrydag 14 April
Annelize hoor ’n skinderstorie, en ’n geheim lek uit. Tracy soek na leidrade, en Conrad bied aan om vir Jaco te help. Annetjie voel verleë, en Tracy ontdek iets in haar kantoor.
Suidooster
Weeksdae om 18:00 op kykNET en 18:30 op kykNET&kie
Maandag 10 April
Bianca en Dirk sukkel met al die teenkanting teen hulle verhouding, en die Thulis besef hulle kan nie langer vir Brendan in die duister hou nie.
Dinsdag 11 April
Bianca stel Dirk voor aan Stella, terwyl Bridgette ’n mediastorm moet trotseer. Siya is desperaat om Zenobia te vind, en AB stel iemand by die apteek aan.
Woensdag 12 April
Bridgette probeer vrede met Eric maak terwyl Aiden blyplek soek. Siya is optimisties oor Zenobia, en Mymoena besef sy was verkeerd oor Bianca en Dirk.
Donderdag 13 April
Siya en Danni stamp koppe oor hulle verantwoordelikheid teenoor Brendan. Bridgette gee finaal op op Eric, en Bianca het nuwe uitdagings as gevolg van haar verhouding met Dirk.
Vrydag 14 April
Bianca en Dirk besluit om na hulle vriende uit te reik. Angie gee vir Mrs. J nuwe naels en Brendan is nie van plan om terug na Hope Town te gaan nie.
Diepe Waters
Maandae tot Donderdae om 18:30 op kykNET
Maandag 10 April
Almal voel skuldig oor hulle aandeel in Karla se situasie. Meghan weet nie hoeveel langer sy kan voorgee nie, en Sanet is besig om beheer te verloor.
Dinsdag 11 April
Sanet en Rossouw se afspraak met Karla se dokter verloop nie volgens plan nie. Rose is nie gelukkig met Wim se vriendskap nie, en Tshepo gaan gebuk onder druk.
Woensdag 12 April
Rossouw en Sanet se gevegte raak lelik. Gys plaas druk op Nina en Tshepo, terwyl Johan sy beste lewe onderleiding van Friedrich lei.
Donderdag 13 April
Die groot dag van die streeksuitdunne breek aan, en ‘n paar onverwagse wendings vind in die swembad plaas. Die vonke spat tussen Tshepo en Nina.
Arendsvlei
Maandae tot Donderdae om 19:30 op kykNET&kie
Maandag 10 April
Rachel het ontstellende nuus vir die Cupidos. Tanner en Ruby se verhouding ontwikkel verder en dit irriteer Eva. Lionel vrees sy en Janice se verhouding is in die moeilikheid.
Dinsdag 11 April
Rachel trap op Beatrice se tone en Anthony hou glad nie daarvan nie. Die Leigh-vrouens staar ’n onsekere toekoms in die gesig, en Saartjie verlei Daniel.
Woensdag 12 April
Cherry neem afskeid van haar vriende. Tanner maak sy hart oop teenoor Eva. Rachel wil al die skool se finansies met ’n fynkam deurgaan. Daniel voel skuldig oor sy aand saam met Saartjie.
Donderdag 13 April
Thys vermoed Saartjie is deurmekaar met dwelms, maar hoe gaan Bianca die nuus hanteer? Tanner, Lennie en Eva gaan op ’n uitstappie, maar Tanner verdwyn geheimsinnig.