Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
(Foto: skermskoot)
Binnelanders
Weekdae om 19:30 op kykNET
Maandag 11 Maart
Annetjie moet haar hartseer wegsteek, en Tertius is geskok wanneer Tracy opgeneem word. Die hele Binneland is in rep en roer wanneer iemand verdwyn.
Dinsdag 12 Maart
Die soektog na ʼn vermiste Binnelander lewer niks op nie. Bonnie kry soos gewoonlik die kat aan die stert beet, en Tertius kry ʼn onverwagse besoeker.
Woensdag 13 Maart
Tertius is op die rand van ʼn ineenstorting, en Liam probeer aan Karen verduidelik dat hy en Delia nié saam is nie, maar is hulle? Conrad laat per ongeluk die aap uit die mou.
Donderdag 14 Maart
Delia neem ʼn risiko waarteen sy ʼn ruk lank al skop. Tertius het ʼn paar minute van hoop, maar dan word hy weer teleurgestel. Iets is ernstig fout met Gaby.
Vrydag 15 Maart
Delia vertel Liam die waarheid. Karen en Nicolette bespreek die probleem met Binneland se mans, en Tertius besef hy het te ver gegaan. ʼn Verhouding word onthul.
Suidooster
Weekdae om 18:00 op kykNET en 18:30 op kykNET&kie
Maandag 11 Maart
Mymoena sny haar heeltemal af van Sammy, maar Rhafiek wonder of hy die volle storie gehoor het. Danni en Siya is krapperig met mekaar terwyl Tim vas glo hy gaan wegkom met sy plan.
Dinsdag 12 Maart
Wade en Angie se wildste drome word waar, en Siya doen iets wat Danni se lewe nog meer kompliseer. Zoë probeer haar bes om Tim uit die kookwater te red, maar is dit te laat?
Woensdag 13 Maart
Tim se groot dag het uiteindelik aangebreek, terwyl Angie en Wade nog promosiewerk kry. Maar hoekom tree Ty skielik so vreemd op?
Donderdag 14 Maart
Tim is woedend vir Bridgette, terwyl Lee-Ann haar oor Carlo bekommer. Nazeem vererg hom vir Sammy, en Angie en Wade maak nog ʼn video.
Vrydag, 15 Maart
Angie en Wade kom in die moeilikheid oor hul jongste video, terwyl Bridgette nuus kry oor Ian. Nazeem is op die oorlogspad teen Sammy en Ty kry bevestiging van sy vermoede.
Diepe waters
Maandae tot Donderdae om 18:30 op kykNET
Maandag 11 Maart
Felicity probeer vir Charity ʼn rat voor die oë draai. Ben vra om verskoning vir Mari se gedrag. Sanet het ʼn plan.
Dinsdag 12 Maart
Charity bied vir Felicity alternatiewe verblyf aan. Pam bied aan om Sanette help met die trouplanne. Zelda maak Tshepo ʼn aanbod.
Woensdag 13 Maart
Dis ʼn dag van hartseer herinneringe vir die Swarts-familie. Anja probeer Charity se hart teenoor Felicity versag.
Donderdag 14 Maart
Gys vermoed Zelda het ʼn agenda met Tshepo. Arno besef hy word indirek deur iemand uit sy verlede bedreig.
Arendsvlei
Maandae tot Donderdae om 19:30 op kykNET&kie
Maandag 11 Maart
Kyle vind waarna hy soek wanneer hy begin om die IT-sentrum se dekmantel oop te krap. Lennie ontvang ’n kommerwekkende oproep van die tronk. Bianca het ʼn verrassing vir Saartjie.
Dinsdag 12 Maart
Yvette is in trane wanneer Nicolene nuus met haar deel. Janice bevraagteken Ayesha se dood. Koppe weier om vir Bompie in polisiebeeldmateriaal te identifiseer.
Woensdag 13 Maart
Beatrice deel belangrike nuus met die beheerliggaam. Janice se skuldgevoelens en die gemis van Ayesha oorweldig haar. Sal Bompie vrygelaat word of nie?
Donderdag 14 Maart
Die beheerliggaam moet stem of hul vir Janice weer gaan aanstel. Bompie en Desmond beplan hul volgende stap. Lennie en Emile probeer met ʼn plan vorendag kom om vir Eva te red.
