Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
Binnelanders
Weekdae om 19:30 op kykNET
Maandag 17 Januarie
ʼn Bekentenis is die pen wat uit die handgranaat getrek word, en Tertius is nie ingenome met Annelize se vermoede nie. Vicky se angstigheid gaan nie ongemerk verby nie.
Dinsdag 18 Januarie
Bronwyn moet Steve se vrese besweer, en Naomi se geduld word op die proef gestel. Vicky se vraag skok Tracy amper net so baie soos ʼn massiewe rekening.
Woensdag 19 Januarie
Tweede kanse is ʼn seldsame verskynsel. Annelize verwoord haar frustrasies terwyl Karen haar kommer uitspreek oor haar vriendin. ʼn Onderhoud en ʼn bekendstelling kan Louis se lewe verander.
Donderdag 20 Januarie
Conrad is bekommerd oor die toekoms, en Marissa maak ʼn baie groot belofte aan Lexi. Louis verras Naomi met ʼn besluit, terwyl Steve vrede moet maak met Jared s’n.
Vrydag 21 Januarie
Naomi druk op ʼn ou bekende se knoppie vir hulp, terwyl Uys ʼn onbekende nuweling ontmoet. Gaby se vrae lei tot nuwe bekommernisse, en Rian se navorsing trek iemand se aandag.
Suidooster
Weekdae om 18:30 op kykNET en kykNET&kie
Maandag 17 Januarie
Greg smeek Donovan om hulp, terwyl Chris nuwe inligting oor Ty en Wade se ouers kry. Kaashifa en Rhafiek moet ’n krisis oplos.
Dinsdag 18 Januarie
Bridgette se hele span moet George toe vlieg vir ’n voorlegging, en Greg sien ’n kans wat hy kan benut. Die Daniels-broers besoek hulle ouers se graf, maar Wade reageer vreemd.
Woensdag 19 Januarie
Bridgette en die res van die Jacobs-familie is geruk oor die tragiese voorval in hulle midde. Ty wil vir sy ouers grafstene laat opsit, en Rhafiek begin ongemaklike gevoelens ontwikkel.
Donderdag 20 Januarie
Greg is bekommerd dat sy geheim sal uitkom. Wade word selfs nog meer desperaat om sy ouers te vind, terwyl Rhafiek nie sy oë van Kaashifa kan afhou nie.
Vrydag 21 Januarie
Ty spook om sy familie bymekaar en veilig te hou, terwyl Rhafiek ’n groot kans waag. Greg is naby aan breekpunt, maar Nazeem kom met ’n oplossing.
Getroud met rugby
Weekdae om 18:00 op kykNET
Maandag 17 Januarie
Lienkie se bestaan stort in duie. Nico en Lulu sit vas oor die troue. Matt oorhandig waardevolle inligting aan Amanda.
Dinsdag 18 Januarie
Kristien word afgepers. Nesie konfronteer die Pompoms oor die selfoonboodskap. Lulu is onseker oor die troue.
Woensdag 19 Januarie
Festus leer vir Maryke en Bibi ’n nuwe vaardigheid. Die Pompoms kry ’n verrassing. Amanda se magsbeheptheid ruk handuit.
Donderdag 20 Januarie
Kristien en Lienkie toets Schalk se lojaliteit. Candice verwelkom haar eerste gaste op haar geselsprogram, ‘Klits en Klets’. Simon sit sy voet neer oor Nico se eise.
Vrydag 21 Januarie
Candice is moedeloos oor haar kletsprogram. Schalk het ’n verrassing vir Amanda. Die Pompoms is opgewonde oor die oudisies.
Arendsvlei
Maandag tot Donderdag om 19:30 op kykNET&kie
Maandag 17 Januarie
Ingrid raak verveeld en begin soek na opwinding. Nolan gee voor dat hy beter is, maar Daniel maak vir Ronel agterdogtig oor Nolan se vordering.
Dinsdag 18 Januarie
Lennie maak groot besluite. Beatrice en Clint se toekoms lyk rooskleurig. Debra en Langes bevind hulle in ʼn baie gevaarlike situasie.
Woensdag 19 Januarie
Langes, Eva en Debra sukkel om tot verhaal te kom ná die skietvoorval. Ingrid sê vir Lennie hoe sy oor Lennie se huweliksaansoek en ultimatum voel. Ronel kry ’n onaangename verrassing.
Donderdag 20 Januarie
Ingrid neem beheer van die ontvoering. Avukile kry ’n dosis van die waarheid van sy klasmaats en Eva voel soos ʼn las.
Opwindende week wat voorlê.