99-jarige ouma terug skool toe

Eusebia Leonor Cordal (Foto: Skermgreep/YouTube)

ʼn Vrou van Argentinië bekoor mense van oor die wêreld heen vir haar besluit om terug te gaan skool toe – op 99-jarige ouderdom.

Eusebia Leonor Cordal moes as jong meisie die skool verlaat, berig Telecinco. Ná haar ma se afsterwe en ander familieprobleme, kon sy nie meer skool toe gaan nie.

Sy het besluit om die Laerskool vir volwassenes in Laprida by te woon en haar opvoeding voort te sit. Sputnik News berig sy het as 98-jarige reeds besluit om terug te gaan skool toe en het nog nie een dag gemis nie. Een van haar onderwyseresse, Patricia, laai haar elke Dinsdag, Woensdag en Donderdag op vir skool.

“Wanneer mens ouer word onthou mens nie meer so lekker nie. Ek ken die skedules baie goed, maar toe ek hier aangekom het, het ek alles vergeet – selfs hoe om te lees en skryf!” het Eusebia gesê.

Sy kan nou weer lees en skryf en hoop om binnekort ook te leer hoe om rekenaars te gebruik.

Haar storie is ʼn inspirasie vir talle sosialemediagebruikers.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Chantelle

Goed die tannie hou haar besig
maar genugtig moet sy nie eerder naald werk doen of in die tuin werk nie
ek sien nie die doel dat sy op n ouderdom van 99 in skool banke sit nie
sou eerder my tyd saam familie en geliefdes spandeer
hmmm?

Nel

:))) – sê hulle Maroela M.

Penellope Jones

Sjoe, wonderlike deursettingvermoe!
Alle voorspoed aan haar – ek hoop sy bereik haar doelwit!

Chantel

Ek dink wat sy doen is awesome.
Die jare wat hulle groot geword het, het hulle nie al die tegnologie ens gehad nie.

Se iets

Ten minste wil sy nog leer op haar ouderdom.
Die wat moet leer wat nog bloed jonk is wil nie leer nie..

Dit se baie