Bruid wil hê gaste moet betaal

Argieffoto (Foto: StockSnap/Pixabay)

ʼn Student het haar tot sosiale media vir raad gewend nadat haar niggie aangekondig het sy gaan gaste vra om te betaal om haar troue by te woon.

Die 19-jarige student wou op Reddit by gebruikers weet of dit vir hulle ook ongewoon is. Haar 26-jarige niggie wil $50 (sowat R700) per persoon vra sodat gaste op ʼn eksklusiewe gastelys geplaas kon word. Die gaste kan die geld dan elektronies aan haar oorbetaal “sodat daar nie enige probleme is nie” en jy “nie op ʼn waglys geplaas word totdat ander gaste betaal het nie”.

Die student, wat haarself DaintySheep noem, het gesê sy het geweier om die toegangsgeld te betaal. “Ek het vir haar gesê ek sal nie kan kom nie, want dit is verregaande, maar dat ek haar alles van die beste toewens. [Die voornemende bruid] het toe my tannie gekontak en gesê ek is suinig en onbeskof. My ouers het ook aangebied om vir my kaartjie te betaal, maar ek het steeds geweier.”

Gebruikers het hul verbasing in die kommentaar uitgespreek. “Wow, gaan sy hulle vra om die skottelgoed ook te was?” wou een persoon weet. “As enigiemand suinig is, dan is dit sy!” sê ʼn ander. “Watter deel van ‘uitnodiging’ verstaan sy nie?” het nog ʼn persoon geskryf.

Dit is al ʼn gewoonte om eerder geld in ʼn koevert vir die bruid en bruidegom te gee eerder as ʼn tradisionele trougeskenk, maar meeste persone het gereken dit is ʼn ongewone scenario waar die bruid van mense verwag om te betaal om die troue by te woon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Annie

Goeie idee, dan sal daar nie leë tafels by die onthaal wees nie!

Lolla

Jy aanvaar dan net nie die uitnodiging nie. Sy sal wel agterkom haar troue gaan nie gaste hê nie.

Meisie

Ek glo nie daars iets fout daarmee nie! Ek kyk ook om volgende jaar te trou.. Die idee is om ‘n “deposito” te betaal. Dan kry mens nie lee sitplekke om jou tafels nie, sodra die troue verby is sal die geld dan terug betaal word aan die gaste.. die wat nie opgedaag het nie kry nie hul geld terug nie! :)

Ellie

Ek ken ‘n bruidspaar wat dit al gedoen het. Hulle kon dood eenvoudig nie bekostig om te trou en vir 60 mense se ete te betaal nie – en het dus gevra mense moet ongeveer R500 betaal pp in die plek van ‘n koevert. As jy nie bereid is om te betaal nie – fine moenie gaan nie.

Vrygesel

Nou hoekom sal ek wil betaal om te sien hoe n man sy vryheid wegteken? Dis soos om te kyk hoe n wilde perd ingebreek word. Effens hartseer.