Foto: Dainese Hsu/ANA
ʼn Driejarige meisie in Taiwan is veilig nadat sy Sondag by ʼn fees deur ʼn groot vlieër in die lug opgelig is, het die staatsbeheerde Central News Agency berig.
In video’s van die voorval het die meisie, wat sowat 13 kg weeg, in ʼn groot oranje vlieër se tou verstrengel geraak. Sy het aan die Hsinchu City International-vlieërfees deelgeneem. Sy is vir ongeveer 30 sekondes en ʼn paar meter hoog in die lug meegesleur.
Die vlieër is stadig grond toe gebring en mense op die grond het die meisie gevang, het CNA berig.
Sy was angsbevange en is na ʼn hospitaal geneem, maar sy het slegs geringe beserings aan haar gesig opgedoen.
Lin Chih-chien, burgemeester van Hsinchu, het op Facebook om verskoning gevra vir die ongeluk en gesê die regering sal die saak ondersoek om soortgelyke voorvalle in die toekoms te voorkom.
-
- Foto: Dainese Hsu/ANA
-
- Foto: Dainese Hsu/ANA
Bly sy is veilig. Unieke ervaring om eendag mee te spog.
Redaksie – Tweede paragraaf: “Sy het deelgeneem aan die Hsinchu City International-vlieërfees deelgeneem.”
Dagsê Gawie
Dankie vir jou kommentaar. Ons vra om verskoning vir die oorsig. Die artikel is gewysig.
Dankie! Groetnis
Megan
nms Maroela Media