Foto’s: Vreemdste maskers ooit

Foto: Subway Creatures/Instagram

Saam met mens se sleutels, beursie en selfoon is ʼn gesigmasker deesdae een van die goed waarsonder jy nie die huis kan verlaat nie.

Daar is egter heelwat mense wat baie kreatief raak met hul, hoofsaaklik twyfelagtige, gesigbedekkings.

Een Instagram-gebruiker publiseer gereeld foto’s van persone wat hy op die New Yorkse moltrein teëkom. Hy het ook begin om foto’s van persone en hul vreemde maskers te deel.

Daar is plastiekbottels, en plastieksakke, stukkies papier, sneesdoekies, emmers, een van die sewe dwergies en selfs iemand wat ‘n boodskap geskryf het vir haar mede-pendelaars.

Dis duidelik dat talle van dié maskers hoegenaamd nie doeltreffend sal wees nie, veral nie as die neus en mond nie bedek is nie.