Hondjie met groen pels gebore  

Foto: Skermskoot/Inside Edition-video

ʼn Hondjie wat met groen hare gebore is, is onmiddellik Pistachio gedoop.

Die hondjie is deel van ʼn werpsel van vyf wat gebore is op ʼn plaas op Sardinië, die eiland in die Middellandse See, berig BBC. Die ander vier hondjies se hare is almal wit soos dié van hul ma.

Christian Mallocci, ʼn Italiaanse boer, kon sy oë nie glo toe die reuntjie sy opwagting gemaak het nie. Hy het besluit om die ander vier hondjies weg te gee maar om Pistachio te hou sodat hy saam met sy ma skape kan oppas.

Volgens CNN is dit baie seldsaam dat ʼn hond met ʼn groen pels gebore word. Daar word vermoed dat dit veroorsaak word wanneer die fetus in die baarmoeder met biliverdien, ʼn groen galpigment, in kontak kom.

Pistachio se pels het reeds begin ligter raak en dit sal aanhou verdof soos wat hy ouer word.

Foto: Skermskoot/Inside Edition-video

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.