Vyf maande se oefening het tot ʼn uitstekende vertoning gelei van die geklap van hande, vingers en die stamp van die voete.
Tydens die Covid-19-pandemie kon dié koor nie sing nie, maar hulle het steeds ʼn manier gevind om musiek te maak.
Studente aan die Saint-Michel-Garicoïts de Cambo-skool in die Baske-streek in die suidweste van Frankryk het ʼn treffende vertoning aangebied van Beethoven se bekende Vyfde Simfonie.
Die 185 leerders het dinamies en gesinchroniseer die musiek met behulp van hul liggame uitgebeeld.
ʼn Video van die uitvoering is nou weer baie gewild op sosiale media.
Die kollege se musiekonderwyser Nelly Guilhemsans het die musiek spesiaal vir hulle aangepas. Die ensemble het in groepe van 50 elke dag vir vyf maande lank bly oefen tydens die 2020- akademiese jaar.
Dit is verfilm in die Arnaga-tuin voor ʼn huis wat in ʼn stadium aan ʼn digter, Edmond Rostand, behoort het.