Meeste mense is vertroud met tradisionele ruitersportsoorte en perdverwante aktiwiteite. ʼn Video van die 2023 Finse Stok-perdjie-kampioenskap het egter baie aandag getrek op sosiale media.
Die Finse kampioenskap is ʼn stok-perdjie-byeenkoms – ʼn kompetisie waar mense aan ʼn verskeidenheid ruiter-items deelneem met ʼn stok waaraan ʼn speelgoedperd se kop en stert vasgemaak is. Deelnemers dra perdryklere en neem deel aan ʼn rits items soos spring, dressuur en landloop.
Stok-perdjie-byeenkomste word wêreldwyd al hoe meer gewild – sommige fokus op kompetisie, terwyl ander meer sosiaal is en op pret fokus. Daar is ook byeenkomste spesiaal vir kinders of volwassenes.
Die video van dié eienaardige byeenkoms het egter baie reaksie op sosiale media uitgelok. Verskeie kykers was verward oor die doel van die kompetisie.
“Hierdie moenie ʼn sport genoem word nie,” meen een persoon. “Vyfjariges doen hierdie ‘sport’ deel wanneer hulle speel.”
“Die mensdom moet herset word. Genoeg is genoeg,” skryf nog iemand.
“Dit is wonderlik om dié as stokperdjie aan te pak. Die ryers is vaardige atlete en hulle doen dit nie vir veganiste nie, bloot as ʼn stokperdjie. Probeer self en hou op met die simpel negatiewe kommentaar,” voeg ʼn derde persoon by.
View this post on Instagram
View this post on Instagram
Dit is baie vreemd – mens(dom)?
Soos om agter n ovaal bal te hardloop
Verlang ek nou terug na die Donkey Derby fondsinsamelings aande by my kinders se skool. Hope pret gewees ook met stok perde….
Daai mense moet almal akteurs kan word. As ek daai ding moet doen, sal ek so lag ek sal nie kan regop staan nie. En dit sal nie beter raak met oefening nie. Ek sal aan dit deelneem vir ‘n lekker lag sessie. En ek bedoel nie sleg nie.
Mis ek iets… is hierdie nie ‘n “April fool’s day” grappie nie?
Tja ….. aaag, nee wat, hierdie ou paar bene en voete sal dit nie maak nie …