Baie mense hou daarvan om met grimering te eksperimenteer. Sommige wend dit vir persoonlike gebruik aan, maar ander beskou dit as ʼn stokperdjie.
Dit is ʼn vaardigheid wat baie moeite en tyd vat om te bemeester.
Mimi Choi van Kanada se video’s met optiese illusies laat egter die monde oophang.
Sy gebruik haar gesig en liggaam as ʼn skilderdoek om die illusies te skep. Sy het al monstergesigte, ʼn karnavalrit, ʼn akwarium en nog baie meer geskep – soos gesien kan word op haar Instagram-profiel.
ʼn Video van haar werk het onlangs wyd op sosiale media versprei. Sy gebruik haar bene as ʼn skilderdoek en verf ʼn kaktus. Van die kleur van die verf tot selfs die dorinkies laat die fyn detail mens verstom.
Sy verf haar bene ook soos ʼn brood, ‘n gesnyde tamatie en ‘n mielie wat lyk of dit pas geoes is.
Die video is reeds meer as 1 miljoen keer gekyk.
View this post on Instagram
Dis wow verby!
Absoluut fantasties!!!! Wow!!
Ongelooflik talentvol
Sjoe dit is ongelooflik!!!!!!