ʼn Vrou wat ʼn ongeluk gemaak het toe sy op ʼn geysde rivier in Kanada gery het, het internasionaal opslae gemaak vir ʼn vreemde rede – sy het eers ʼn selfie geneem terwyl haar motor in die ysige water weggesak het.
ʼn Foto word versprei van die onbekende vrou op haar geel motor, waar sy foto’s van haarself neem. Haar motor het Sondagmiddag onder die ys van die Rideaurivier in Manotick verdwyn, berig die Daily Mail.
Plaaslike inwoners het haar te hulp gesnel, maar die vrou het skynbaar doodrustig bo-op haar motor bly staan en selfies geneem.
Die vrou is deur die inwoners gered wat haar met ʼn kajak na veiligheid gebring het. Die polisie in Ottawa het die inwoners geloof dat hulle vinnig reageer het. “Gelukkig was daar nie enige beserings nie en die plaaslike inwoners het ʼn wonderlike werk gedoen om die bestuurder van die motor met ʼn kajak te red.”
Volgens die Kanadese koerant, die National Post, is die vrou nie beseer tydens die voorval nie. Sy wou nie toelaat dat paramedici haar ondersoek nie.
Die polisie het gesê sy staan tereg op aanklag van nalatige bestuur.
#ottnews pic.twitter.com/Y1FmrpUX5m
— 580 CFRA (@CFRAOttawa) January 17, 2022
This evening a car went through the ice in the south end of Ottawa. Thankfully no injuries and an amazing job by local residents saving the driver by using a kayak and quick safe thinking. Another reminder that "No Ice Is Safe Ice". Please use extreme caution this winter season! pic.twitter.com/zpWdeyYzps
— MDT Ottawa Police (@MDTOttawaPolice) January 16, 2022
Selfbehep! Sy lyk so “tevrede” met wat sy gedoen het.
Goed vir verserkings bewys, slim gedink
Ja mense is meer behep met selfies en videos vat as enigiets anders deesdae. Party sal tot hulle eie lewens waag om die perfekte selfie te neem. Hulle moes haar los dat sy ‘n video selfie kon neem van hoe sy saam met haar kar soos die Titanic onder die water verdwyn. Aai party ma’s se kinders darem.