“God self het gesê: ‘Ek sal jou nooit verlaat nie, jou nooit in die steek laat nie (Hebreërs13:5, 1983-vertaling)’.”
In haar kort, motiverende boodskap aan lesers vertel Benescke Janse van Rensburg die storie van ʼn dogtertjie se onwrikbare geloof in God. Haar verhaal is ʼn getuienis dat God tot in die fynste besonderhede van elkeen van sy kinders se lewens betrokke is.
“Dalk is jy met Kerstyd geweldig alleen en dit voel vir jou asof jy nie weet wat 2023 vir jou inhou nie, maar mag jy onthou dat God ook van jou weet. Hy weet hoeveel hare daar op jou kop is. Hy het meer gedagtes oor ons as wat daar sand is in die see. Dit is Hy wat sê Hy sal jou nooit verlaat en nooit in die steek laat nie.”
So mag jy bewus raak van sy teenwoordigheid ook in jou lewe.
Luister hier na Benescke se Kersfeesboodskap:
- Benescke Janse van Rensburg is die skrywer van Wysheid: Oordenkings oor Spreuke wat deur Lux Verbi, ʼn druknaam van NB-Uitgewers, uitgegee is.