Die Familiebybel bied ’n geloofsnalatenskap vir gesinne en die generasies wat ná hulle kom. Dit bemagtig lesers om as gesin saam te aanbid en God se liefde opnuut te beleef sodat hulle nader aan God sal groei en ’n betekenisvolle geestelike erfenis kan nalaat.
In samewerking met die Bybelgenootskap van Suid-Afrika, bied Lux Verbi ’n Bybel vir die hele gesin met ’n vars perspektief op bekende verse en verhale.
Dit is deur dr. Johan Smith van VitaAmp bygewerk en bevat die volgende:
- Die volledige nuwe 2020-vertaling
- ’n Familiestamboom
- ’n Bladsy om trou- en geboortedatums aan te teken
- Bykomende artikels oor die gesinslewe deur Smith, ʼn gesin- en familiekenner
- Bybelstudiemateriaal vir die hele gesin vir 52 weke
- ’n Program wat jou lei om die Bybel in een jaar deur te lees
- Kaarte, woordelyste, en agtergrond oor die vertaalopdrag en die geskiedenis van dié nuwe vertaling.
“Die Familiebybel sal ’n gekoesterde geskenk en kosbare erfstuk vir julle gesin en groter familie wees wat van geslag tot geslag bewaar kan word,” sê Smith. Luister in dié video waarom elke huis so ʼn Bybel nodig het:
… Groot geldmaak… Lielie-lekker-maatskappy…