Gedig: Suiwer wiskunde

 

Argieffoto (Foto: Zdeněk Macháček/Unsplash)

NP van Wyk Louw (1906 – 1970)

Die uurwerk kantel. En die ligbruin by
hang roerloos voor die blom wat nooit bevrug
word, nooit saad sal skiet, en nooit verby
hierdie verstarde uur sal groei. Die lug

het stil soos ys gaan staan, so wit en blou.
Die brander wat wou oorbuig, val, en skuim,
bly in sy ligte sirkels vasgehou
en moet sy see ‘n ewigheid versuim.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

Een kommentaar

Martie Smartie ·

As mens hierdie lees, sien jy NP van Wyk Louw in TT Cloete se werk. Net, laasgenoemde is verder ontwikkel en sou van hierdie gedig nog ‘n beter produk gemaak het. Mens sien weer eens hoe ver Van Wyk Louw sy tydgenote vooruit was.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.