Uitdrukking: Geen haan sal daarna kraai nie

Argieffoto (Foto: Pexels/Pixabay)

Uitdrukking:
Geen haan sal daarna kraai nie

Betekenis:
Niemand sal dit ooit weet nie; dit sal ‘n geheim bly

Waar kom dit vandaan?
Malherbe: “Sedert die oudste tye word die haan by die Germaanse volke in ere gehou as die draer van kennis en wetenskap. Die volksgeloof heg allerhande betekenisse aan die haangekraai.”

Een legende vertel dat ‘n dorp in die grond weggesink het nadat dit deur ‘n vrou vervloek is aan wie geen losies vir ‘n nag verskaf is nie. Toe die dorp sink, het die mense nog die gekraai van ‘n haan gehoor, maar daarna natuurlik nooit weer nie. Die haan is dus beskou as die besitter van geheime wat deur sy gekraai geopenbaar word.

As die haan nie kraai nie, bly die geheim verborge.

Hierby sluit aan dat die haan kraai as hy ‘n moordenaar sien wat die daad voor hom gepleeg het. As ‘n misdaad dus so stilletjies gepleeg is dat dit geheim sal bly, word gesê dat geen haan daarna sal kraai nie, want dit was nie daarby nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.