Uitdrukking: Uit die almanak wegloop

Argieffoto (Foto: Ronile/Pixabay)

Uitdrukking:
Uit die almanak wegloop

Betekenis:
Spoorloos verdwyn.

Waar kom dit vandaan?
Die uitdrukking is gegrond op die aard van ou almanakke wat nie net datums en vakansiedae aangedui het nie, maar ook boererate en, veral, weervoorspellings vir die komende jaar. Laasgenoemde was natuurlik totaal onbetroubaar. Die algemene opvatting was dus dat almanakke nie te vertrou was nie, net soos die werker wat stil-stil wegloop al is sy dienstyd op die almanak aangeteken.

Die ander uitdrukkings wat met hierdie betekenis verband hou is “almanakke druk”, wat beteken om onwaarhede te vertel, en “lieg soos ʼn almanak”, wat na iemand verwys wat baie lieg.

Bron: Spreekwoorde en ander segswyses

• Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red