Woord:
gul
Betekenis:
1 wat geredelik, blymoedig en ruim gee/skenk; op milde en hartlike wyse; gulhartig: ʼn gulle peetoom • Hulle het ons gul trakteer.
2 uit die hart; gulhartig: Sy het my ewe gul genooi. • ʼn gul ontvangs.
3 ongedwonge; spontaan; hartlik: Hy het ʼn gul glimlag vir almal en kan ook gul lag oor die kinders se pret.
Waar kom dit vandaan?
Uit Ndl. gul (eerste helfte van die 17de eeu). Gul kom alleen in Ndl. en Afr. voor, en die verdere etimologie is onbekend. Dit is vir die eerste keer in 1615 opgeteken in die bet. “bol, sag”.
Bronne: Etimologiewoordeboek van Afrikaans (EWA), Handwoordeboek van die Afrikaanse Taal (HAT)
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red