[Foto’s] Vriendin reël droomtroue in 5 dae

Aimee en Ryno. Foto: Verskaf

Aimee en Ryno. Foto: Verskaf

ʼn Vrou van Pretoria het verlede week haar beste vriendin se droomtroue en al die reëlings daar rondom suutjies in net vyf dae gereël nadat dié vriendin se pa se siektetoestand drasties versleg het.

Bianca Oosthuizen het aan Maroela Media vertel sy en haar vriendin, Aimee, is al meer as 18 jaar lank vriende.

“Aimee en Ryno is al nege jaar saam,” sê sy. “Ek en my ma, Alice, was verlede week by die kerk en toe ons daar uitstap, sê sy vir my ons moet iets doen. Ons weet dis elke meisie se droom dat haar pa saam met haar tot voor die kansel moet stap en ons was bang dit gaan nie meer moontlik wees nie.”

Aimee se pa is voorheen gediagnoseer Miëlodisplastiese sindroom.

Bianca het verlede week Dinsdag met die troureëlings begin. “Ek het Dinsdagaand vir Ryno gebel om te hoor of hy oukei is daarmee. Hy was vir byna tien minute sprakeloos voordat hy ingestem het. Ons het toe vinnig aan die werk gespring.”

Ryno het Aimee Donderdag die ja-woord gevra. Aimee vertel sy het nog nooit so baie gehuil nie. “Ek het niks vermoed nie. Ek het my eetlus sommer verloor weens opgewondenheid,” het sy geskerts.

Bianca vertel die werksmense en familie het hul harte en hande oopgemaak om die troue wonderlik vir die paartjie te maak. Hulle het die Brandweerdienste van Lyttleton in Pretoria se brandweerwa vir die troue gebruik. “Haar ma se ouers het indertyd ʼn brandweerwa gebruik vir ʼn troukar en haar broer was die hoof van die brandweer in Swartkop. Daarom het ons vir haar ʼn brandweerwa as ‘troukar’ gereël.”

Aimee se boetie is egter ʼn paar jaar gelede terug oorlede. Sy vertel Bianca het geweet dit was vir haar belangrik om hom te onthou op haar troudag. “Alles was perfek. Die werk het wyn, nagereg, kos en ekstra geld vir ons gegee. Die mense van die brandweer was ongelooflik. Hy het ʼn ver draai na die stasie toe teruggery. Dit was werklik ʼn familiepoging: Bianca se ma het tafeldoeke gestik en die Rock Roses kom uit die familie se tuin.”

Sy het haar rok en die strooimeisies se rokke die Saterdag voor die troue aangepas. Aimee vertel hoewel dié geleentheid in net vyf dae gereël is, was dit die beste dag van haar lewe. “Ek kon toe saam met my pa na die kansel toe stap. Ná die seremonie het ek en my pa ook die dansvloer geopen. Ek kon nie ophou huil nie. In ʼn stadium het hy in my oor gevra of ek gaan ophou huil, ek het net gefluister ek is te gelukkig.”

Aimee en Ryno kon ná die troue een aand in ʼn hotel deurbring danksy die werk se barmhartigheid. Die familie hou steeds duim vas dat hul pa sal gesond word.

Bianca het ook pas ʼn onderneming begin waarmee sy geleenthede op professionele basis gaan reël. Besoek Ballistic Event Planning se webwerf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
ANDRE

Baie mooi ! lekker om so af en toe ook n ligstraaltjie so tussen die ” doom and gloom” te sien.

Leonie

So spesiaal!! Sit nou met ‘n groot knop in die keel. My en my man se troue was reeds gereël vir 15 Desember 2012 toe my ma skielik in Julie 2012 gediagnoseer is met terminale kanker. Sy het baie vinnig agteruit gegaan en ons het inderhaas die troudatum vervroeg na Sondag 30 September wat ons sommer by my ma in die Hospice se tuin so wees sodat my ma kon by wees. Sy is egter ongelukkig die Donderdag 27 September, 3 dae voor die tyd, oorlede. My hart was stukkend en sou wat wou gee om my ma op my… Lees meer »

Snip

Jinne, ek kan nie my trane keer nie. Dis sooooo special.!!!

Hannelie

Bianca is regtig ‘n ware en opregte vriendin…..en sulke vriendinne skop jy nie onder elke bos uit nie. Ek glo Aimee waardeer jou vreeslik. ‘n Baie mooi gebaar van ‘n baie spesiale vriendin.
Leonie jammer om te hoor dat jou ma nie jou groot dag kon bywoon nie. Wat vir jou spesiaal moes wees, was eintlik hartseer. Maar ek glo jou ma het uit die hemel haar seën gegee. En die heeltyd geglimlag.

Trotse tannie

Ek is so trots op Bianca en Alice, hulle kon nog altyd enige geleentheid spesiaal maak. Bianca is self besig om haar eie troue te reël vir later in die jaar en dit gaan voorwaar net so spesiaal wees. Baie geluk Ryno en Aimee, julle is ‘n “awesome” paartjie en gaan nog baie jare gelukkig wees net soos julle altwee se ouerpare.
“You go B” soos altyd ‘n raakvatter.