Die offers van God is ’n gebroke gees; ’n gebroke en verslae hart sal U, o God, nie verag nie! (Psalm 51:19, Bybel In Afrikaans 1933/1953)
Dawid het erg gesondig met Batseba en ly ook erg onder die gevolge. Natan roep sy straf uit: Van nou af sal die swaard uit jou huis nie wyk nie! Geweld baar immers geweld. Sy seun by Batseba sterf, sy seun Absalom oorrompel die troon en dryf hom uit, maar word later doodgemaak (sy ander seuns sterf ook een vir een) en God weier dat hy vir Hom ’n tempel bou – daar’s te veel bloed op sy hande. Wat ’n prys!
Dawid se geestelike insig sê vir hom dat al die slagoffers en brandoffers in die wêreld nie hierdie sonde kan regmaak nie. Sy hart moet die offer wees. Gebroke en verslae klou hy aan God vas vir vergiffenis. God soek nie iets van ons nie – God soek ons. Dawid word uiteindelik herstel as koning en sy en Bat Sheva (haar Hebreeuse naam) se volgende seun, Salomo, volg hom op as Israel se grootste koning nog. Dawid spreek ’n waar woord: Gebrokenheid, verootmoediging trek God se aandag.
Vader, ek is vandag ook hartseer oor my sonde. My hart is gebroke, ek is verslae voor U. Amen.
Amen!
Dankie HereJesus dat U my sonde aan die kruis vas gespyker het. Amen
Baie harde woorde maar sò waar.
Here baie baie dankie dat U ook vir my sonde gesterf het ek is van Verslae oor U goedheid.Amen
onthou Here bly selfde Dawid se tyd. God is regverdig ons kry nog teens gevolge oor ons sonde en verkeerde keuse. Belei nie met jou mond nie maar uit jou hart uit en hou op weer selfde foute te maak. Daarom Here vir Dawid nog teens seen ken Dawid se hart en hou lyk ons harte?
En elke dag het nuwe genade, sonder verwyt. Hoe groot is U!