“Laat hulle wat wys is hierdie woorde verstaan. Die paaie van die Here is waar en reg. Regverdige mense loop daarop, maar opstandiges struikel en val op die pad” (Hosea 14:10).
Oordenking
Die lewe is nie ʼn val-vrye plek nie, en dit is veral in ons geestelike lewe waar ons ons heel dikwels te pletter val. Alhoewel ons elke dag met die beste bedoelings leef en begeer om God se wil te doen, val ons so maklik oor ons eie menswees.
Hierdie feilbaarheid beteken maar net een ding: Ons kan nie één dag sonder die Gees van God aandurf nie. Wanneer jy besef dat jy op ʼn ongemaklike plek is, is dit juis die Gees wat jou stil-stil terugroep. Laat dan toe dat Hy jou optel en weer op die plek sit waar jy hoort: Rég voor die Vader-troon.
Gebed
Vader van struikel-mense, sal U my optel wanneer ek weer val, asseblief?
Hierdie oordenking verskyn in Krag vir ʼn vrou se hart deur Milanie Vosloo. Dit word goedgunstig deur die Christelike Uitgewersmaatskappy/CUM verskaf.
Kan ons net begin deur God se standard te volg en leef. Dit kan val en opstaan net meer vergemaklik. Verstaan wie, wat en waarom is jy. God se plan en droom sal jou nie laat struikel nie.