Jesus antwoord hulle: “My kos is om die wil te doen van Hom wat My gestuur het, en om sy werk klaar te maak.” (Johannes 4:34)
Kos hou ons nie net aan die lewe nie; dit verskaf aan ons genot. Wat is Christus se kos, sy bron van geluk? Om die Vader se wil te doen. Die teoloog John Gill het geskryf: “Net soos wat kos aangenaam en heerlik en verkwikkend is vir die mens se liggaam, so was dit heerlik en verkwikkend vir Christus se siel om God se wil te doen: Hy het net soveel genot daaruit geput as wat ’n honger mens daaruit kry om te eet en te drink.”
Christus wil hê ons moet, net soos Hy, in Gees-geïnspireerde gehoorsaamheid aan God se wil lewe omdat Hy weet dat dit wat Hom verheerlik vir ons blywende vreugde en bevrediging sal bring.”
Daar is hoop vir ’n verdorwe mensdom – hoop van vergifnis, hoop van vrede met God, hoop van heerlikheid – want volgens die Vader se wil het Jesus Christus arm geword en is Hy in ’n stal gebore sodat Hy dertig jaar later aan ’n kruis kon hang. – J.I. Packer
Dankie Here Jesus vir die Grootste Geskenk wat hierdie wereld ooit gekry het….die Lam van God wat ons los gekoop het van ons sonde…Amen