Foto: pixabay.com
Ek sal vertel van al u wonderlike dade. (Psalm 9:2)
Toe leerders gevra is om neer te skryf wat die huidige sewe wonders van die wêreld is, het die onderwyser agtergekom dat een stil meisie nie haar vraestel ingegee het nie. Sy vra die meisie toe of sy met haar lys sukkel. Die meisie het geantwoord: “Ja, ’n bietjie. Ek kan nie regtig besluit nie, want daar is so baie.” Die onderwyser sê toe: “Wel, sê vir ons wat jy het, en dalk kan ons jou help.” Die meisie het geaarsel, maar toe begin lees: “Ek dink die sewe wonders van die wêreld is: om te sien, te proe, aan te raak, te hoor, te voel, te lag of te glimlag en bo alles … om lief te hê.” Die klaskamer was so stil dat jy ’n speld kon hoor val. Daardie dinge wat ons as eenvoudig en “alledaags” beskou, is werklik wonderlik.
Dankie, God, vir al die wonderlike en majestueuse dinge wat U vir ons gedoen het. Amen
Dankie Here. Amen !
Dankie Liewe Jesus vir die Krag wat u gee om aan te gaan met die lewe. Amen
So waar. Uit die mond van die suigeling kom die waarheid. God is liefde