Julle moet julle vyande liefhê en bid vir dié wat julle vervolg. Só sal julle optree soos ware kinders van julle hemelse Vader. (Matteus 5:44-45)
Die apostel Petrus moedig sy lesers aan om aktief mee te werk aan die vestiging van vrede deur dit na te jaag en uit te leef en hulle daarvoor te beywer (1 Pet. 3:11, 2 Pet. 3:14).
Gelowiges word opgeroep om met verantwoordelikheid mee te werk om vrede te vestig. Gebroke verhoudings moet herstel word. Dit is van die allergrootste belang. Mense word deur soveel dinge van mekaar geskei. Net Jesus se liefde en vrede kan dit weer herstel. Maar dan moet ons die uitdagings en verantwoordelikhede ten opsigte van verhoudings met geloof en vertroue aanvaar.
God van vrede, gee aan my genade om my verantwoordelikheid ten opsigte van verhoudings na te kom. Amen.