Net by God kan ek rustig wag, van Hom kom my verlossing. Ek wil rustig op God wag, want van Hom kom al my hoop. (Psalm 62:2, 6)
Wanneer jy tyd maak om regtig stil te word by God, sonder jy jou af van die afleidings en geraas van die wêreld om jou. Jy word bereid om ’n leerbare gees te hê en jou begeertes te laat aanpas by wat God vir jou wil hê. As gevolg daarvan kom jou gedagtes en optrede meer in ooreenstemming met God se wil. Stilword by God is méér as net die bestudering van gemeenskap met God en lei uiteindelik tot Goddelike optrede.
Hoe kan jy stilword by God ’n daaglikse gewoonte maak?