Hierdie groentetert is gesond, maklik en goedkoop om te maak.
Lewer 6 porsies
Bestanddele
- 1 ui, gekap
- 1 knoffelhuisie, gekneus
- bietjie olie
- 250 g sampioene, in skyfies gesny
- 1 rooi soetrissie, in blokkies gesny
- 8 groot murgpampoentjies, in skyfies gesny
- 45 ml vars pietersielie, gekap
- 250 ml bevrore klein ertjies
- 250 ml wortels, gerasper
- 250 ml groenboontjies, in stukkies gesny
- 125 ml koekmeel
- 5 ml bakpoeier
- 2,5 ml sout
- knippie rooipeper
- 250 ml Bulgaarse jogurt
- 250 ml gerasperde Cheddarkaas
- 5 ml suiker
- 5 eiers
Metode
- Voorverhit die oond tot 180 °C en smeer ’n oondbak.
- Soteer die ui en knoffel in olie tot sag en deurskynend. Voeg die sampioene by en soteer vir nog 5 minute.
- Voeg die soetrissie, murgpampoentjies, pietersielie, ertjies, wortels en boontjies by en soteer oor matige hitte vir 3 minute. Verwyder van die hitte.
- Roer die res van die bestanddele, behalwe die eiers, by tot goed gemeng.
- Klits die eiers. Roer by die groentemengsel en giet in die voorbereide oondbak.
- Bak vir 35 minute of tot in die middel gestol. Sit warm as ligte middagete voor.
Bron: Vrouekeur 1 deur Marlo Carstens
Uitgewer: Lapa
Lyk heerlik!!