Hierdie pastei behoort ʼn familiegunsteling in jou huis te wees.
Lewer 6 porsies.
Bestanddele
Aartappels
- 1 kg aartappels, geskil en in blokkies gesny
- 30 ml (2 e) botter
- sout en peper na smaak
Maalvleis
- genoeg CLOVER Mooi River-botter
- 1 ui, grof gekap
- 500 g maalvleis
- 375 ml (1 ½ k) gevriesde gemengde groente
- 15 ml (1 e) mielieblom
- 250 ml (1 k) beesvleisaftreksel
- 30 ml (2 e) tamatiepasta
- 15 ml (1 e) Worcestersous
- knippie paprika
- sout en peper na smaak
Metode
- Voorverhit die oond tot 200 °C.
Aartappels
- Verhit genoeg water waarby 10 ml (2 t) sout gevoeg is. Gooi die aartappels daarin en verhit tot kookpunt. Verlaag die hitte wanneer kookpunt bereik is en kook vir ongeveer 9 minute tot sag.
- Dreineer en laat die aartappels eenkant staan om ʼn bietjie af te koel. Voeg die botter, sout en peper by en druk met ‘n aartappeldrukker fyn.
Maalvleis
- Verhit genoeg botter en braai die ui tot sag. Voeg die maalvleis by en braai tot gaar.
- Roer die groente en mielieblom deur die maalvleis.
- Meng die aftreksel, tamatiepasta, Worcestersous, paprika, sout en peper bymekaar. Giet dit by die maalvleis en laat prut vir 20 minute tot die groente amper sag is.
- Skep dit in ‘n gesmeerde, oondvaste bak.
- Skep die aartappelblaar bo-op, sprinkel bietjie ekstra paprika bo-oor en bak vir 15 minute.
- Plaas vir ‘n paar minute onder die roosterelement tot dit goudbruin is bo-op.
- Sit warm voor saam met rys.
Bron: Onthoukos
Uitgewer: Lapa
YUM
Daar is mos aartappels! Los die rys.
Ek stem Anel! sit liewer n tamatie slaai by met komkommer en lekker slaaisous. Hemels!!!