Foto ter illustrasie. (Foto: Bruna Branco/Unsplash)
Bederf jouself met hierdie soet, middel-van-die-week-yskastert.
Bestanddele
Kors
- 1 x 200 g-pakkie Tennisbeskuitjies
- 60 ml Clover Mooi River-botter, gesmelt
Jogurtvulsel
- 250 ml Clover‑ vars room
- 1 x 90 g-pakkie sjokolade-kitspoeding
- 180 ml Clover Bliss Double Cream Yogurt with Choc Chips
- 1 x 250 g-bakkie gladde maaskaas
Sjokoladelaag
- 1 x Flake‑sjokoladestafie
Metode
- Smeer ’n ronde tertbak wat ongeveer 20 cm in deursnee is.
- Kors: Kap die Tennisbeskuitjies fyn in ’n voedselverwerker. Giet die gesmelte botter by en meng weer goed.
- Druk die koekiekrummels op die bodem en teen die kante van die voorbereide tertbak vas.
- Jogurtvulsel: Klits die room en kitspoedingpoeier vir 2 minute saam in ’n groot mengbak.
- Meng die jogurt en maaskaas deeglik en voeg dit dan by die poedingmengsel.
- Skep die jogurtvulsel in die tertkors en laat die tert vir 4 uur in die yskas rus om te stol.
- Sjokoladelaag: Krummel die Flake oor die tert en bedien dadelik.
Bron: Ekonomiese gesinskos
Uitgewer: Lapa
Lyk nou wel nie so ekonomies nie, maar dit lyk verruklik!
O jitte, as jy die resep slaafs gaan volg gaan dit flop – kyk bietjie na die bestanddele vir die kors en dan vir die vulsel – die jogurt en maaskaas hoort by die vulsel en nie die kors nie
Ek was ook nou heeltemal deurmekaar!
Madelein jy is reg, daardie bestandele moes nie onder die kors se bestandele kom maar wel onder die vulsel s’n!
Dagsê Madelein, Elmarie en Oe la la
Baie dankie vir julle kommentaar en jammer vir die fout. Die bestanddele vir die kors en jogurtvulsel is nou reg gelys om enige verwarring te voorkom.
Groetnis
Esté Meyer Jansen
namens Maroela Media