ʼn Mens kan nie louwarm voel oor ʼn stuk vrugtekoek nie: óf jy haat dit óf jy is mal daaroor en dit bring vir die soetste nostalgiese herinneringe van Kersfees en troues.
In ʼn Tonight Show-monoloog het Johnny Carson in 1985 al beweer vrugtekoek is die slegste geskenk. “Daar is net een stuk vrugtekoek in die hele wêreld en mense stuur dit aanmekaar vir een persoon na die ander.”
In Manitou Springs in Colorado, VSA, is daar die jaarlikse Great Fruitcake Toss waar mense meeding om te sien wie kan die nagereg met behulp van ʼn verskeidenheid van meganiese kontrepsies die verste gooi.
Maar het ons nog altyd nie van vrugtekoek gehou nie, en belangriker, moet dit so ongewild wees. Soos wanneer die geskeidenes lank en ingewikkeld is, is die antwoord ja en nee.
Geskiedenis van vrugtekoek
Vrugtekoek dateer uit antieke Rome, maar die digte gekruide koeke se gewildheid het eers die stapelnagereg van 1800 geword omdat dit as ʼn maklike manier beskou is om die gawe van elke jaar se oes met mekaar te deel.
Volgens Chowhound.com was die gebruik om dit ʼn hele jaar te bewaar sodat dit geluk vir die nuwe jaar sal bring. Alhoewel die soort koek maklik 365 dae sonder verkoeling kan hou, is dit selde behoorlik bewaar. Hierdie tradisie het gehelp om vrugtekoek se reputasie as ʼn taai, klipharde nagereg vas te lê.
ʼn Bewys van die rakleeftyd van vrugtekoek is die 106-jarige koek wat vroeër in 2019 in Antarktika gevind is. En ja, daar word geglo dit is steeds eetbaar. Dit word vermoed dat die koek aan die Britse ontdekkingsreisiger Robert Falcon Scott behoort het.
Tog lyk dit of vrugtekoeke se reputasie as ʼn ou, whisky-deurweekte deurstopper hoofsaaklik ʼn Amerikaanse verskynsel is, nadat dit ʼn gewilde Kersgeskenk was in die 1940’s en ’50’s wat per pos oor die land gestuur is. Tot vandag toe bly vrugtekoek die gekose Britse koninklike troukoek sedert ʼn pruimvrugtekoek op 18 Maart 1840 by prins Albert en koningin Victoria se trou bedien is. Prins Charles en prinses Diana het die tradisie geëer net soos prins William en Kate Middleton.
ʼn Stuk van die mees onlangse koninklike vrugtekoek is selfs op ʼn veiling vir $7 500 verkoop.
Maroela Media het met Willie Strauss, ʼn tuiskok en kabaretsanger van formaat, gesels oor vrugtekoek.
Willie begin jaarliks aan die einde van September reeds vrugtekoek vir die feesseisoen bak. Hy vertel wat jy kan doen om jou eie bobaasvrugtekoek te bak en met watter drank jy jou vrugtekoek kan versorg.
- Luister na die volledige gesprek met Willie boaan hierdie berig.
- Maroela Media het ook hier ʼn maklike resep vir heerlike vrugtekoek vroeër in Desember gedeel.