Die span agter die leersame landboubuurt. (Foto: Verskaf)
Tien vrugtebome gaan kinders in ʼn tradisionele gemeenskap prikkel om eendag ʼn belangrike rol in kosvoorsiening in hul gebied te speel.
AfriForum en Saai het met iNkosi Zwelothando Mabandla van die AmaBhele kaJamangile- tradisionele gemeenskap naby Maclear in die Oos-Kaap hande gevat om ʼn leersame landboubuurt te vestig, deur bome by die Mqokolweni Junior Secondary School te plant.
Die vrugtebome bestaan uit perske-, pruim-, appelkoos- en nektarienbome en gaan die skool in staat stel om leerders van die landbouwaardeketting en selfstandigheid te leer. Die bome sal die geleentheid skep vir die leerders om te leer oor die versorging van bome en die welvaartskeppingsmoontlikhede wat verband hou met vrugteproduksie, verwerking en verkoop van produkte.
“Ons volg ʼn proses van herstel om die AmaBhele kaJamangile- tradisionele gemeenskap te hervestig as ʼn selfstandige gemeenskap om die kettings van afhanklikheid te verbreek,” sê iNkosi Zwelothando Mabandla.
“Dit kan bereik word deur ons grond, wat tans nie optimaal benut word nie, te ontwikkel deur ʼn stap-vir-stap-proses om ʼn leersame landboubuurt te skep en ʼn geleentheid te bied aan gesinne om deel te wees van ʼn gemeenskap wat aan mekaar verantwoordbaar is. Die plant van hierdie bome by Mqokolweni is ʼn demonstrasie van ons toewyding om ons visie te verwesenlik en ʼn voorbeeld van kreatief dink oor die benutting van grond.”
Barend Uys, hoof van interkulturele verhoudings en samewerking by AfriForum, sê hulle het nie bome geplant net om eenvoudig bome te plant nie. “Die plant van hierdie vrugtebome bied aan Mqokolweni die geleentheid vir kinders om te leer oor selfstandigheid en om verantwoordelikheid te neem vir iets wat in die toekoms vrugte kan dra.
“Dit is ʼn praktiese stap in die inwerkingstelling van die erkennings-en-samewerkingsooreenkoms wat AfriForum en die kantoor van iNkosi Zwelothando vroeër vanjaar aangegaan het, wat ook iNkosi Zwelothando se visie van ʼn selfversorgende AmaBhele kaJamangile- tradisionele gemeenskap ondersteun. Ons ooreenkoms bepaal spesifiek dat ons sal saamwerk aan die bevordering van gemeenskapselfstandigheid en landbou-ontwikkeling, en dit is wat ons doen.”
Dr. Theo de Jager, direksievoorsitter van Saai, sê hy verstaan die ontwikkelingsgeleenthede wat meegebring word deur die visie om ʼn gebied waar landbougrond onderbenut word in ʼn landboubuurt te omskep.
“Die idee om grond, wat by ʼn skool beskikbaar is, te benut om vrugtebome te plant wat die skool in staat stel om die welvaartskeppingsmoontlikhede van boerdery prakties te leer en om dit vir kinders makliker te maak om te verstaan dat die waardeketting wat verseker dat ons almal kos het om te eet, begin by primêre produksie word ten volle deur Saai ondersteun en daarom is ons deel van hierdie inisiatief.”
AfriForum en Saai sal die kantoor van iNkosi Zwelothando bystaan met die toekomstige uitbreiding van hierdie inisiatief na ander skole in die AmaBhele kaJamangile-koninkryk om die visie om ʼn selfstandige gemeenskap te vestig, te verwesenlik.
Vraag bly: Hoekom kan gemeenskappe nie eie denke en inisiatief aan die dag lê?!!!
Denkers en doeners.
Kyk, ek het nie probleem met dit nie. Dit is ‘n baie edele projek. Waarmee ek ‘n probleem het, is hoekom moet die blanke weereens die voirtou neem? As dit nie vir die blanke was nie, het hierdie projek nie begin nie. En glo my, as die blanke nie gaan toesig hou nie, gaan daar ook niks van kom nie. Maar die blanke moet weg, die moordenaar, die gronddief en wat ook al, en nog steeds steek ons die hand uit om gemeenskappe te help! Want hierdie lot kan niks vir hulle selfs doen nie! Want God het ons hier aan die suidpunt van Afrika gesit, met ‘n doel. Dit is wie ons is en altyd sal wees. Ons is Afrikaaners. Ons kan werk en help. Waardeer dan tog net wat ons doen, ook!!!! Sterkte vir hierdie projek!
Afrikaners bou, deel, en gee weg. Dis wie ons is.
Moet ek hande klap?
Vra ek ook.
En dit terwyl daar ‘n uitog van wit seuns is om in die VSA op plase moet gaan.werk omdat die organisasies huidige bevoorregtes help en vergeet waar hulle finansiële hulp vandaan kom.
Goeie planne, hoop die vrugte gelewer van dit is ook goed en die moeite werd
Dis ‘n fantastiese initiatief. Welgedaan