Die egpaar Carl en Jeanette Kritzinger bespreek weekliks in Wiele2Wiele die jongste motornuus – van bekendstellings en padtoetse tot algemene nuus en nuttige wenke.
Hierdie week staan Wiele2Wiele verbaas oor die nuwe Haval H6 GT. Hulle beleef ook Mahindra se nuwe Pik Up Karoo-modelle en glimlag oor die Mercedes-AMG GLE 53-sportnuts. Die BMW Motorrad Internasionale GS Trophy is tans aan die gang en hulle gesels met Cora Forssman oor hierdie strawwe kompetisie.
