Magriet Groenewald. (Foto: Verskaf)
Magriet Groenewald en Maroela Media deel praktiese wenke oor hoe om jou eie onderneming te begin en só ʼn inkomste te verdien.
Wenk 7: Wees eerlik en deursigtig op sosiale media
In die vorige wenk-video sê Magriet dit is belangrik om seker te maak jy weet op watter sosialemediaplatform jy as entrepreneur hoort.
“Kyk waar is jou kliënte en waar hulle hulle tyd bestee. Gaan kyk ook na die grootste platforms – Facebook, Instagram en TikTok,” sê Magriet.
Magriet se jongste wenk is om as entrepreneur eerlik en deursigtig te wees op die sosialemediaplatform wat jy kies.
“Onthou, mense is op sosiale media om ʼn konneksie met ander mense te vorm. Mense koop met hulle harte en emosie. Jy moet ʼn konneksie met hulle vorm, en hoe jy dit doen, is maar net om jouself te wees,” sê Magriet.
Kyk hier na die vorige wenk-video’s.
Meer oor Magriet Groenewald
Magriet is die eienaar en stigterslid van Magriet.co, ʼn aanlyn sosialemediasakeskool.
Dié kreatiewe donkerkop se passie is om entrepreneurs, sake-eienaars en beïnvloeders te bemagtig om hul aanlyn voetspoor te vergroot en sodoende hulleself én hul produkte beter te bemark.
Sy het tydens die afgelope nege jaar in die bedryf al saam met talle bekendes gewerk. Sy woon tans in Somerset-Wes saam met haar man en drie van hul vyf kinders.
