Bejaarde boer glo weens grondhervorming vermoor

Waterval-Boven. Foto: SA travel.

Waterval-Boven. Foto: SA travel.

Gareth Johnson, ʼn bejaarde boer is oor die naweek op sy plaas naby Waterval-Boven, Mpumalanga, doodgeskiet.

Kol. Leonard Hlathi, ʼn polisiewoordvoerder, het Maandag gesê die voorval het Vrydag omstreeks 18:00 by sy plaashuis plaasgevind. “Johnson (67) se 70-jarige vrou was tydens die voorval by die huis en het geweerskote gehoor, maar nie haar man se aanvallers gesien nie,” het Hlathi gesê. Johnson is op die toneel dood verklaar.

Niemand was nog teen Maandagoggend om 08:00 in verband met die voorval in hegtenis geneem nie.

Beeld het Maandag berig ʼn ander boer in die omgewing beweer dat Johnson moontlik vermoor is weens ʼn dispuut met die nuwe eienaars van ʼn plaas wat hy weens grondhervorming verloor het.

Volgens die berig het Johnson ʼn vurige vergadering verlede week met die nuwe eienaars gehad. Johnson was glo ontevrede omdat plakkers op die grond wat hy verloor het, ingetrek het.

Hlathi het gesê die polisie gaan nie hul ondersoek beperk net op gronde van dié beweringe nie. “Ons gaan ʼn behoorlike ondersoek van stapel stuur, sou die gerugte waar wees sal dit in die ondersoek uitkom.”

Hlathi doen ʼn beroep op die publiek om met enige inligting wat met die ondersoek kan help, na vore te kom. Die polisie kan by 10111 geskakel word.

SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Seg Net

Hier begin Malema se werk. Dit is die begin van baie moorde aangevuur deur Malema se terroristiese organisasie.

Willy

Dit gebeur waar daar ‘n plaas veloor word deur grondhervorming. Kon nie aanvaar, dat sy eens pragtige winsgewende plaas so ten gronde gegaan het nie.
Hoop hierdie mislukkings word ook sommer vrek geskiet.
Baie sterkte aan die familie.

Ver Van Ryn

“Hlathi het gesê die polisie gaan nie hul ondersoek beperk net op gronde van dié beweringe nie.” Met ander woorde hulle gaan hierdie, potensiele waardevolle, inligting in die wind gooi. Want die grondonteienaars sal nie so ‘n ding doen nie, hulle is mos histories benadeel en weet om beter as dit op te tree en al het hulle dit gedoen kan hulle nie aanspreeklik gehou word nie omdat hulle histories benadeel is deur die einste boer. Wragtig, dis volksmoord en die werfetters sal dit nooit erken nie!

Trippie

Ek wil n ou iets vra … ek WEET daar is mense wat soos ons voel in hul harte … MAAR, ek wil weet, hoe kan ek ooit vir die DA my stem gee – hulle steun dan grondhervorming.

Is daar mense wat soos ek voel oor hierdie saak ?

Jasper

Ek kan en sal nooit vir n party stem wat abborsie goedkeur nie. (Jammer om die onderwerp te verander)