Foto’s: Barmhartige samaritaan red SA-egpaar tydens Zim-aanval

a8Meer foto’s volg onderaan die berig. Lees ook ons opvolgberig: 
“Barmhartige samaritaan” se storie dalk ʼn foefie

Don Percival, ʼn inwoner van Harare in Zimbabwe, het Maandag die Smith-egpaar van Suid-Afrika gered toe hulle deur drie mans aangeval is. Die mans wou glo hul voertuig steel.

Percival, die uitvoerende hoof van Goddunnit Promotions, ʼn maatskappy wat natuurlewefilms in Zimbabwe vir ondermeer National Geographic vervaardig, het Woensdag aan Maroela Media gesê God het hom die krag gegee om die aanvallers ʼn goeie loesing te gee.

“Ek het op die Wingate-pad gery toe ek sien hoe drie diewe probeer om ʼn wit Toyota-dubbelkajuitbakkie van ʼn egpaar van Suid-Afrika te steel,” het Percival oor die voorval op sy Facebook-blad geskryf. “Twee van die mans het die man, Darren Smith, aangeval, en die derde man het Darren se vrou, Sharon, aan die keel gewurg.”

Hy het afgetrek en die egpaar bygestaan. Hy sê hy het eerste die man afgeweer wat besig was om Sharon te wurg, waarna die man in die bakkie geklim het. “Ek het vir Darren gesê om sy vrou te beskerm terwyl ek die ander twee mans weggehou het. Mense wat my ken weet ek is nie ʼn bakleier nie, maar ek weet God het my volle beheer oor die situasie gegee, en die krag om terug te baklei.”

Hy het terugbaklei totdat al drie mans gevlug het. Percival sê hy het slegs kneusplekke aan sy kneukels, knie en elmboog opgedoen. “Die ergste is dat my gunsteling SuperSport T-hemp nou geskiedenis is!”

Hy sê Darren het beserings aan sy gesig opgedoen en Sharon het kneusplekke aan haar nek en op haar gesig.

Darren het foto’s van die voorval op sy kamera geneem en het ook die voorval by die polisie aangemeld. “God weet wat hy doen. Kom ons erken dit maar, hierdie is net nog ʼn wonderwerk,” het hy bygevoeg.

Klik hier om die Facebook-blad van een van hul produksies, Karina Wild On Safari, te besoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Danielle

Pragtige getuienis. Dankie Don. Alle eer aan God, jy is voorwaar daar geplaas met ‘n doel!

Estelle

Gee daai man n Bell’s!

Yolande

Don, jy is my hero. Dit is wonderlik dat jy die mense bygestaan het. Ek is seker die Smiths sal jou ewig dankbaar wees. Gewoonlik kyk mense anderkant toe as iets gebeur. Wel gedaan. Ek hoop wragtig jy is in die omgewing as iets met my gebeur ;-)

edban

Darren neem fotos terwyl Don moet baklei om hulle te beskerm.Wat n lafaard om nie te help nie.Al die fotos baklei Don alleen.

VryeDenker

Ek het nou net op ‘n ou onderhoud met Don Percival afgekom
https://www.youtube.com/watch?v=6PQ6335puOc