Huldeblyke stroom in vir Zak van Niekerk

Lees ook “Spoed dalk oorsaak van ongeluk waarin sanger sterf”

Die foto is deur @_ArriveAlive op Twitter gelaai.

Huldeblyke stroom in op sosiale netwerke vir die Afrikaanse kunstenaar Zak van Niekerk wat Vrydagmiddag in ʼn motorongeluk oorlede is naby Sasolburg in die Vaaldriehoek.

ʼn Woordvoerder van Netcare911, Jeffrey Wicks, sê Van Niekerk was die bestuurder van ʼn bussie wat reg van voor teen ʼn motor gebots het op die R59 in Sasolburg. Van Niekerk is op die toneel dood verklaar. Sy passasier, glo ʼn klankman, is ernstig beseer en is per helikopter na ʼn nabygeleë hospitaal geneem. Hy het volgens berigte later aan sy beserings beswyk. Die bestuurder van die ander motor is lig beseer. Van Niekerk was glo op pad na die Klein Karoo Nasionale Kunstefees wat Saterdag begin. Intussen het boodskappe van meegevoel begin instroom op die sosiale netwerke Facebook en Twitter. Die sangeres Juanita Du Plessis het geskryf: “Dis verskriklik van Zak van Niekerk…Ek kan dit nie glo nie!!! My gebede gaan uit na Sonja en familie.” Die sanger en Jukebox-aanbieder Pieter Koen het geskryf: “Zak van Niekerk RIP my goeie ou Mater! Laat jou bekfluitjie in die hemel weergalm! Gaan jou baie mis…” Margit Meyer-Rödenbeck, oftewel Dowwe Dolla, het geskryf: “Dis so sad- nog ‘n vriendelike reus word uit die woud gekap. R.I.P Zak van Niekerk.” Die sanger Willem Botha het ook op Twitter sy skok uitgespreek: “Geskok! Zak van Niekerk is sopas oorlede in ‘n motorongeluk op pad na KKNK. Kan dit nie glo. Ons is familie! My gebede gaan aan sy vrou & kids!” Die sanger Wicus van der Merwe het ook afskeid van sy vriend geneem: “My goeie vriend Zak van Niekerk is vanmiddag van ons weggeneem….. My hart gaan uit na Sonja & die kleintjies.” Van Niekerk word oorleef deur sy vrou, en twee klein kinders.

Zak van Niekerk. Foto: Facebook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
DESIREE ERASMUS

SO SO SAD BAIE JAMMER STERKTE AAN SY GESIN EN FAMILIE RUS SAGGIES IN “JESUS” ARMS

DESIREE ERASMUS

SO SO SAD …MY INNIGSTE SIMPATIE MET SY GESIN EN FAMILIE…VEILIG NOU IN “JESUS ARMS” R.I.P. ZACK

lome4

..dis nou slegte nuus..in die fleur van sy lewe :'(

Letitia

So jammer om te hoor van Zak se afsterwe. R.I.P ou grote
Sterkte aan sy familie

Janette Reynen

Zak van Niekerk, mag jy aanhou sing en bekfluitjie speel in die Hemel en ons sal jou hoor, Sonja my innigste simpatie vir jou en kiddies met julle verlies, Mag Jesus se liefde julle omvou met Sy liefde onthou skatjie dis nie vaarwel nie, maar net koebaai tot later. Rus in Vrede Zakka