Lady Gaga kom SA toe

Lady Gaga, die omstrede en eksentrieke sangeres, gaan later vanjaar haar Suid-Afrikaanse aanhangers met konserte hier kom vermaak.

5FM, in samewerking met Big Concerts en M-Net, het Maandag aangekondig hulle bring dié sangeres met die aanbreek van die feesseisoen na Suid-Afrika.

Lady Gaga is op 30 November by Soccer City in Johannesburg te sien. Op 3 Desember is dit die Kapenaars se beurt in die Groenpunt-stadion.

The Darkness en Lady Starlight sal die voorvertonings behartig.

Kaartjies sal Dinsdagoggend vanaf 09:00 by Computicket beskikbaar wees. Sitplek-kaartjies begin by R315 en staan-kaartjies is vanaf R715 beskikbaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
NOT SO gaga