Nuuskommentaar: Belangrikheid van Nederlandse parlementêre mosie oor grondgryp in SA

(Foto: pixabay)

Hoewel die mosie in die Tweede Kamer van die Nederlandse parlement wat grondonteiening sonder vergoeding in Suid-Afrika afkeur, deur baie Suid-Afrikaners verwelkom word, lyk dit asof die verwikkeling vir baie as te min, te laat ervaar word.

Die versugting om die land te verlaat is by baie reeds te groot, en hulle hoop is min of meer beperk tot die hoop dat die Nederlandse verwikkeling dit makliker, en vir baie, hoegenaamd moontlik sal maak om die land te verlaat. ’n Tweede begin, noem een leser dit. Baie se koppe staan duidelik Nederland se kant toe – moontlik as ’n strooihalm-dankbaarheid vir ’n simpatieke oor.

(Lees hier en hier wat die mosie behels, en die erkenning wat die Solidariteit Beweging daarvoor kry.)

Dié verwikkelinge volg kort op heelwat nuusdekking wat op ’n breër afkeer in sekere Europese lande teen plaasaanvalle en plaasmoorde in Suid-Afrika aan die ontwikkel is, en die regering, en by name pres. Cyril Ramaphosa, se gebrek aan belangstelling hieroor – eufemisties gestel. Lees gerus hier.

Presies wat is aan die gebeur?

Selfs net ’n oorsig van die hoof-elemente gaan ’n ellelange bespreking afgee, en daarom word net baie kortliks na ’n deel hiervan verwys:

  • Die vervreemding wat tussen Afrikaanssprekendes en Nederland ontwikkel het, veral in die jare wat deur die regering van Joop den Uyl oorheers is, het met tyd begin genees. Die rol van verskeie akademici, en bewegings soos die Nederland-Suid-Afrika-bewegings se harde en opofferende werk het oor die jare gesuurdeeg. Afrikaans het selfs ’n plekkie in die son by Nederlandse en Vlaamse universiteite begin kry. Suid-Afrika se rol binne die Nederlandse Taalunie het gegroei.
  • Partye wat meer objektief na die situasie in Suid-Afrika gekyk het, het die politieke toneel begin oorheers. Die jongste verwikkelinge is juis deur ’n lid van die CDA in Nederland gegenereer. Die CDA behoort tot dieselfde groepering van Christen-Demokratiese Partye as Angela Merkel se CDU in Duitsland, en die CD & V in Vlaandere. Dis partye wat gewoond is om deel van, en dikwels leidende partye, in regerende koalisies te wees.

Die Nederlandse parlementslid, Martijn van Helvert. (Foto: Facebook)

Die leier van die Vlaams Belang, Tom van Grieken, het juis aan ’n Maroela‑leser gesê dat hy die kwessie van plaasaanvalle in Suid-Afrika onder die aandag van die Belgiese parlement gaan bring. Sy party het eensklaps van bykans nêrens nie tot die tweede grootste Vlaamse party gegroei.

  • Die Solidariteit Beweging se pogings om die hele kwessie te internasionaliseer lewer bepaald resultate.
  • Die ANC se deurlopende droogmakery as regerende party tel mettertyd al swaarder teen die party.
  • In België ontwikkel die etniese federasie al nader aan totale onafhanklikheid vir Vlaandere, al gaan dit eers via ’n konfederasie. Die Vlaminge, die dominante ekonomiese mag in België wat die Franstaliges jaarliks met miljarde euro’s moet subsidieer, ervaar dat hulle, anders as met die Nederlanders, nie volwaardig aan die internasionale verkeer kan deelneem nie.  In Nederland het die nie-Nederlandssprekende Friese meer selfstandigheid verwerf, en die Brabanders (’n taal met eienskappe van Nederlands, Duits en selfs Afrikaans) het onlangs hul eerste eie Bybelvertaling gekry.

Die Suid-Afrikaanse regering met eietydse Milneriste, soos Panyaza Lesufi op die voorpunt, verseker dat die Afrikaner, Grondwet ten spyt, nie internasionaal selfs oor taalkwessies, locus standi kan verwerf nie. Die Afrikaanssprekendes moet, ironies, by sulke statutêre en semi-statutêre instellings deur die Suid-Afrikaanse regering verteenwoordig word. En die SA regering loop nie juis oor van entoesiasme om dit te laat realiseer nie.

Dit is moeilik om te bepaal hoe ’n groot rol die historiese verwantskap tussen die Dietse bevolkings van veral Nederland, België en Suid-Afrika ’n rol speel. Die kuberruim veroorsaak immers dat die Dietse wêreld “gekrimp” het, en dis heel moontlik om veel hegter bande met mense in Nederland en België te hê as met byvoorbeeld ’n Engelssprekende buurman hier in Suid-Afrika.

Kort na die totstandkoming van Radio Hoogland het dit geblyk dat veral musiekprogramme heelwat luisteraars in Nederland en België het. Die effense ouer musiekklank het klaarblyklik beter by baie Nederlanders afgegaan as die “moderne” musiek wat toe uitsaaiers in Europa se gunstelinge was. Van die luisteraars het aangedui dat die kanse beter was om musiek van Heino, Jacques Brel, Helmut Lotti, Stef Bos, die Claxtons en Dana Winner oor Radio Hoogland te hoor as in hul eie lande. Van hierdie luisteraars het selfs boodskappe vir ander Nederlanders en Vlaminge in hul eie lande laat voorlees – via Suid-Afrika.

Vir elke positiewe aspek kan ook ’n negatiewe genoem word. Die feit is dat die klimaat nou so gunstig soos lanklaas was om die lug in die Dietse familie te suiwer.

Maar baie harde en intelligente werk lê nog voor.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuuskommentaar

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

piet piet ·

Dit is net so belangrik om druk op die regering te plaas oor diskriminerende wette teen wit minderhede,skrap daardie wette so gou moontlik.

Andreas ·

Die ANC se koppe werk so, let wel daar is baie koppe wat die riller uitpluis, ons ander het al moed opgegee, dan kom hulle met die antwoord en oplossing, ‘draai die skroewe nog stywer met nuwe wetgewing en regulasies aan!’

Terwyl ek tik pers ek my lippe onwillikeurig saam, dunner as maskara, so dun soos ‘n potloodstreep … reguit … en natuurlik horisontaal.

Andreas ·

Mens kan tereg vra, of dan liewer net in ongeloof die kop skud oor waarheen die ANC regering met die land op pad is, dat hulle dit self nie kan insien nie, en hul raadgewers? Hulle moet verseker galonne van ‘n sekere ideologie in hê. Cyril Ramaphosa en die ANC-regering is vir Suid-Afrika soos wat Busisiwe Mkhwebane vir Cyril is.

Andreas ·

Ek het vergeet om te vra, want ek sien in die media Roelf Meyer soek na ‘n nuwe daeraad.

humor ·

Ons lewe steeds voort met hoop. Waar daar lewe is ,is daar hoop. WAAR DAAR HOOP IS, IS DAAR LEWE.

Vlakvark ·

Humor, ek stem 100 % saam. Ons lewens is uiters kortstondig, Benut elke oomblik om geregtigheid en naasteliefde te bevorder midde in hierdie sondige wêreld. Ons moet waardige handelsmerke wees van ons Skepper se skepping as Homo sapiens sapiens.

Groetnis, Oupa Johann Vlakvark

Judge Dredd ·

….en tog is daar geen berrigte hieroor in hoofstroom media.

Charles ·

Verbaas my geensins nie! Ek het gesien ENCA het ‘n berig hieroor geplaas, en N24 ;)
Wag nou net vir die Daily Maverick om ‘n berig oor hierdie aardskuddende wending te plaas, dit sal nou-nou op wees ;)

Vlakvark ·

Die waarheid en geregtigheid moet en sal seëvier! Die dae van die ANC is getel. Daar is hoop. Ons moet elkeen ligdraers en sout in hierdie chaotiese Suid-Afrika wees en naasteliefde bevorder.

Andreas ·

Steenkool se dae is getel, nuwe energie in groen neem die wêreld oor.

HAB ·

Dis net die super wel af blanke wat die land kan verlaat. Die res, amper 4 miljoen van ons kan nerenste anders gaan nie so dis nie te laat nie. Dis nie so maklik om te trek na n ander land toe nie. 90% van ons sal nie kwalilifiseer nie.

Andreas ·

HAB, als is nie verlore nie, kom ons pak die 3 skippe, De Drommerdaris, De Rijger en De Goedehoop en vaar saam met Flip en sy span die toekoms in!

jaco ·

het die ANC en die SAKP se kaders wat so lank in exile in kommunistiese lande was, dan NIKS daar geleer nie? Daardie lande was dan sonder baie van die nonsens wat tans in SA onder ANC-beheer voorkom
voormalige kommunistiese lande soos Oos-Duitsland, die Sowjet-Unie, Pole en Hongarye was SONDER goed soos:
beurtkrag
swak vuil staatshospitale
swak lae standaard onderwys
skole waarin dit aanvaarbaar is dat leerders die onderwysers aanrand
slaggate in paaie wat net NOOIT reggemaak word nie
en so kan my lys aan en aan en aangaan
Ek praat nie kommunisme goed nie. Die anti-godsdiens aspek daarvan is laakbaar, maar dit bly net vreemd dat daardie lande waar ANC en SAKP kaders jare gebly het, blykbaar geen invloed op dié exiles gehad het nie.

Vlakvark ·

Jaco, bestudeer gerus George Orwell se “Animal Farm” en “1984”

Dit gaan alles oor MAG en gierigheid. Hulle het mooi geleer wat dit beteken om deel van die klein elite groep te wees (“HIGH group”).

Andreas ·

Lesufi spoor ons tot nuwe hoogtes aan, ek kry vandag ‘n e-pos van Afrikaans.com, en wat ‘n positiewe om na uit te sien!
“Die Trust vir Afrikaanse Onderwys se MOS-inisiatief – gehalte moedertaalonderrig in Afrikaans!”

Martin ·

Afrikaners staan alleen…die geskiedenis bewys dit oor en oor. Daar kom dadels van buitelandwrsxse steun en beloftes. Dankie egter vir hul besorgdheid…meeste Hollanders is liberaal stoom-op en steun is dus seker vanaf meer konserwatiewe groepe.

Haan ·

Wraggies Martin ek wens meer mense wil dit besef. Ons gaan sélf ons éie basse moet red (met die Here se hulp natuurlik)

Verstaan een ding baie mooi: hierdie lande vir wie ons om “hulp” vra, was almal aandadig in die aanslag op Afrikaner soewereiniteit sedert 1966. Optrede moet uit eie geledere kom, en van nêrens anders nie

Adam ·

Dankie tog vir mense soos julle, Martin en Haan, wat die insig het om te weet hierdie aksies weinig beteken vir ons as Afrikaners. Die mense van Europa se politieke oortuigings skuif wel na regs agv oa probleme met die oorvloed migrante wat daar toegelaat is, maar die groot moondhede sal nooit slapelose nagte oor SA ondervind nie.

Andreas ·

Herman, die land is gegryp, die winkels, elke bedryf. Mens sien mos hoe dit in supermarkte gaan, die blikkies en produkte word deur die dag op die rakke gepak, mens kan beswaarlik verby die werkers met hul goedere-trollies kom, dit nou in teenstelling met klomp jaar gelede, waar daardie taak na-ure verrig was.

As jy gaan klere koop, kyk net na die kleure/kleurskemas, baie is blink, watookal. My vrou gaan koop eerder materiaal van keuse en maak dit self.

Hans ·

Druk van die buiteland is belangrik. Die wereld moet weet.Die ANC weet nie dat hulle nie weet nie. Daarom dink hulle hul weet alles. Van korrup wees en valse beloftes weet hul alles. Ons finansier hul optrede met ons belasting geld.????

fred ·

die lande van die EU soos nederland en belgië gee nog steeds miljoene rande vir projekte…as dit opdroë en cr bly die US verkeerd opvryf (sie Huawei en sy kommentaar dat die US jaloers is..) kan daar ook n boycott kom van die US en die EU…dat sal die einde beteken….selfs cr sy sjinese tjommies sal hom nie red nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.