Oud-7de Laan-akteur se seun sterf ná val

Waldemar Schultz. Foto: Facebook

Lees ook:
Waldemar Schultz se ode aan sy seun, Kieran
Waldemar Schultz se seun vandag ter ruste gelê
Bekendes treur saam Waldemar Schultz en Ira se seun se dood

Die akteur Waldemar Schultz, wat bekendheid verwerf het vir sy rol as Jan-Hendrik in die sepie 7de Laan, se seun is dood nadat hy Saterdag van ʼn uitkykpunt in Hermanus geval het.

Schultz was in Hermanus waar hy in verskeie verhoogproduksies by die Kalfiefees opgetree het. Albert Maritz, akteur en regisseur van die dramaproduksie Stander waarin Schultz die hoofrol vertolk, het aan Maroela Media gesê hy het vanmiddag ʼn produksie gekyk en is na die tyd van die tragiese gebeure in kennis gestel. Maritz sê Schultz en sy seun Kieran (14) was saam met vriende by die uitkykpunt by die bekende Oud Hawe in Hermanus om walvisse te kyk. Kieran het glo saam met ʼn vriend foto’s geneem toe hy gegly en van die krans in die water geval het. Kieran het kopbeserings opgedoen en is onmiddellik na ʼn hospitaal gehaas. Hy het sowat ʼn uur later aan sy beserings beswyk. Maritz sê Schultz se vrou, Ira Blanckenberg, was in Kroonstad ten tyde van die voorval en sou later na Hermanus vlieg. “Hulle is twee mense wat hulle oor die wêreld se kinders ontferm en hulle het ‘n onstuitbare liefde vir hulle eie kinders.” Die egpaar het ook ʼn dogter.

Werner Zybrands, voorsitter van die Kalfiefees, sê Schultz sou vanmiddag om 16:00 in Stander opgetree het. “Die vertoning is egter weens die tragiese gebeure gekanselleer. Ons wil namens die feeskomitee ons innige meegevoel met die familie betuig.” Kol. Andre Traut, woordvoerder van die polisie, sê die voorval het omstreeks 13:00 plaasgevind. ʼn Geregtelike doodsondersoek word gedoen.

Lees ook:
Waldemar Schultz se ode aan sy seun, Kieran
Waldemar Schultz se seun vandag ter ruste gelê
Bekendes treur saam Waldemar Schultz en Ira se seun se dood

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

78 Kommentare

jongste oudste gewildste
Annamarie

My innige simpatiek teen oor die ouers en mag God hulle dra teen die verlies van hulle seun.

Trippie

Geen ouer wil voor sy kind se oop graf staan nie !

Sterkte vir die pad vorentoe, ook hiermee my innige simpatie aan die ouers, familie en vriende, skoolmaats.

Annalien Groenewald

My innige simpatie met die ouers en familie ons hou jul ins gebede.

Michael Smith

Ag nee. Dit is hartseer. Jy is in my gedagtes Waldemar. Sterkte vir julle.

Paul

Dit is ‘n verskriklike tragedie en ons innige meegevoel met hierdie ouers, familie en naby vriende. Ons gebed is dat God julle sal versterk en krag sal gee om oor hierdie hekkie te kom.