Plaasmoord: Vrou in Oos-Kaap vermoor

Elizabeth Helena (Lizelle) le Roux, ʼn vrou in haar vroeë 40s, se lyk is Maandagoggend op ʼn plaas in Molteno in die Oos-Kaap aangetref.

“Le Roux het Sondagmiddag oudergewoonte op die plaas Sunnyside gaan stap, maar het teen sonsondergang nog nie teruggekeer nie,” het kapt. Roelofse, woordvoerder van die polisie in die Oos-Kaap, aan Maroela Media gesê. “Haar ouers en bure het na haar begin soek, maar hulle het haar teen 23:00 nog nie gekry nie. Haar liggaam is Maandagoggend deur polisiebeamptes opgespoor.”

Volgens Roelofse is Le Roux met ʼn skerp voorwerp aangeval en sy het verskeie steekwonde opgedoen.

“Niemand is nog in verband met die voorval in hegtenis geneem nie.”

Sy was nie getroud nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Trudie ·

Shame man , hulle sal die skuldige seker nie kry nie…..

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.