(Grafika via Pixabay)
Dertien kinders is Donderdagmiddag beseer toe ʼn ligte motor hulle in La Rochelle in die suide van Johannesburg hulle getref het.
“ER24 en ander nooddienste het omstreeks 14:45 by die toneel opgedaag,” sê Russel Meiring, woordvoerder van ER24. “ʼn Ligte motor het teen ʼn straatpaal vasgery.”
Verskeie kinders het op die sypaadjie gelê. “Twaalf kinders, tussen 8 en 13 jaar oud, het geringe tot matige beserings opgedoen. ʼn Dertiende kind is in ʼn kritieke toestand.”
Die kinders is na nabygeleë hospitale geneem vir dringende behandeling.
“Die bestuurder van die motor het na bewering beheer verloor oor die motor. Hy het op die sypaadjie beland en die kinders getref.”
Plaaslike owerhede stel verder ondersoek in.
As jy kinders in die pad sien verminder jy dadelik spoed. Spesifiek as daar ten minste 10 kinders in ‘n bodel loop.
Beheer oor die Motor verloor??
Hoeveel kinders was nou al die afgelope tyd in ‘ Ongelukke” beseer of het gesterf