‘n Betoger teen geslasgbaseerde geweld word Saterdag in hegtenis geneem. (Foto: AP Photo/Nardus Engelbrecht)
Die Wes-Kaapse polisie ondersoek ’n saak van poging tot moord, openbare geweld, kwaadwillige saakbeskadiging en oortredings wat verband hou met die Wet op Rampbestuur nadat 18 mense Saterdag tydens twee afsonderlike betogings naby die parlement in Kaapstad in hegtenis geneem is.
Kapt. FC van Wyk, woordvoerder van die polisie, het in ’n verklaring gesê sowat 500 motorfietsryers het teen plaasaanvalle in die Moederstad saamgetrek terwyl 400 betogers teen geslagsgebaseerde geweld opgeruk het.
Volgens Van Wyk het sommige persone op die hoek van Roeland- en Buitenkantstraat paaie versper en skade aan motors aangerig waarna polisielede opgetree het om die skare uitmekaar te jaag.
Motorfietsryers het Saterdag in Kaapstad saamgetrek teen plaasaanvalle. (Foto: Twitter)
’n Video word intussen op sosiale media versprei waarin daar gesien word hoe polisiebeamptes ’n motorfietsryer van sy motorfiets afpluk waarna betogers met traangas bestook is.
Volgens Van Wyk sal dié mense wat tydens die saamtrek en betoging in hegtenis geneem is, Maandag in die plaaslike landdroshof verskyn.
Wil net weet wat van die polisie man wat sy wapen uitgehad het en hoekom ‘n motorfiets ryer van agteraf van sy motorfiets afgeruk moes word. Wat het hy verkeerd gedoen op daai stadium? Ten tye van n vreedsame optog van motorfiets ryers tree die polisie so op maar wat van die ander betogings, waar is hulle dan???
Kan hulle nie maar so kragdadig optree teen plaasmoorde. Lyk my die motorfiets ryers is lekker sagte teikens nes plaasboere.
Dit is ñ patetiese berig…jy praat van 2 optogte, maar jy sê nie by watter optog is die mense in hegtenis geneem nie.
Ek stem saam met jou. ‘n Swak berig.
Maroela Media: Neem kennis dat daar in terme van die vlak 2 regulasies, geen strafbepaling is ten opsigte van byeenkomste nie. Die regulasie is dus van nul-en-gener waarde en die polisie kan hulle nie daarop beroep nie. Vra enige regspersoon, hulle sal dieselfde sê. Ook van belang, is dat die aandklokreël ook gedekriminaliseer is.
Ja en as ander mense betoog en afbrand gebeur niks. Kan net sagte teikens aanval.
So gaan dit mos die eendag n konstabel en die vogende dag n kaptein die SAP is n grap.
Dit is duidelike dubbel standaarde.
Nou watter van die twee groepe betogers is verantwoordelik vir die ”poging tot moord, kwaadwillige saakbeskadiging en openbare geweld” – aanklag? Of sal ek raai…?
Lyk my daar was 2 optogte. Die motorfietsryers en dan die ander. Ek glo die motorfietsryers was die vreedsames en die ander moes seker die oproeriges gewees het. En lyk my die polisie wou hê dat daar moeilikheid by die motorfietsryers moes wees want hoekom het hulle die een van sy fiets af geruk? As mens kyk na die duisende wat in Pretoria was, was daar nie een voorval nie.
Verstaan nie. Volgensxmy moet jy voiraf toestemming kry vir optog. Hoekom was dasr twee uiteenlooende optogte?
Ek verstaan nie die poging tot moord nie en na watter optog word daar verwys? Als was vreedsame Saterdag in Pretoria en wat gee die polisie die reg om so op te tree?
Dit is duidelik dat die polisie in die Wes Kaap deur die ANC voorgesê word hoe hulle moet optree en dan verwag hulle nog dat die publiek hulle moet vertrou en respekteer. Hoe kan iemand wat liegstories fabriseer vertrou word?
Die belaglike polisie is sterk as hulle optree teen wetsgehoorsame burgers, maar hulle kan en wil nie optree tee plaasaanvallers nie. Die polisie is stadig maar seker besig om meer vyande te maak as wat hulle sal kan hanteer.
DIS n bietjie van n niks segende berig. Die skade aan motors was dit kwaad willig of het iemand per ongeluk n skraap gery.? As dit kwaadwillig was, reg sluit die oortreders toe. Maar die regering moet net besef dit is net die begin as hulle aanhou om hulle komunistiese beleid te verskerp so sal die frustrasie vlak styg en opstande sal geweldadig raak wat uit eindlik tot georganiseerde verset sal lei
John die hele omgewing daar is vol kameras so as die polisie nie videomateriaal van die beskadigings het nie dan lieg hulle om hulle agenda te pas.
Afriforum asb gebruik my geld om hierdie moegoes in blou die pen te laat ry in hierdie saak. Groot asb