2 doen hul as wagte voor, buit R9 miljoen

Die verdagte wat gesoek word. Foto: Verskaf

Die Valke in die Noord-Kaap is op soek na inligting wat tot die inhegtenisneming kan lei van ʼn verdagte wat gesoek word in verband met gelddiefstal in Kuruman.

Kapt. Philani Nkwalase, provinsiale woordvoerder van die Valke, het Dinsdag gesê die verdagte, van wie ʼn foto bekend gestel is, het glo op 8 Desember 2016 om 06:00 saam met nog ʼn verdagte by die Fidelity Security-gelddepot in Kuruman opgedaag en hulself glo as veiligheidsbeamptes voorgedoen.

“Die twee het gemaak of hulle beamptes van ʼn ander veiligheidsmaatskappy is wat geld kom oplaai het om te vervoer. Hulle is toegang tot die perseel gegee en toegelaat om geld ter waarde van R9 miljoen op te laai,” het Nkwalase gesê.

Nkwalase het gesê die diefstal is eers later uitgevind toe die amptelike veiligheidsbeamptes daar opgedaag het om die geld op te laai.

Enigiemand wat die man herken of inligting het wat die Valke in hul ondersoek kan bystaan, word versoek om Crime Stop by 08600 10111 te skakel. Alle inligting sal streng vertroulik hanteer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

10 Kommentare

Lientjie ·

Dis verseker ‘n inside job, want hoe kan jy toelaat dat ‘n ander maatskapy jou geld kom haal?

Buitestander ·

Die oudste triek in die boek.
Elke veiligheidswag moet sy vingerafdruk gee voor hy geld neem met veiligheid kammeras wat oorhandiging afneem.

Estelle ·

Ek stem saam – 8 Desember? Hopelik het die diewe hulle nie gedra soos ‘n sekere student nie, want anders is daar teen hierdie tyd niks meer van daai geld oor nie!

wielie ·

whahahahahah ……………. Nou waarom wag hulle 8 maande voor hulle hulp vra? Die ouens is laaaaaaaankal land uit en allie geld is geblaas. Of dink hulle die diewe gaan dit iewers bere en vir dit sit en kyk??

Denise ·

Is dit n April grap asseblief ? komaan ek hoef nie eens in my kristalbal te kyk wat hier gebeur het nie dit is n SIRKUS !!!!

Mariska Kruger ·

Hoekom is dit nou eers in die nuus? Dis al amper ‘n jaar terug. Of het iemand nou eweskielik agtergekom R9 Mil is weg

bgj van der westhuizen ·

al wat dit op neer kom swak bestuur en as dit so maklik kan gebeur dit laat jou lag net in suid afrika die grap paradys van die wereld

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.